مساء الخير على فنوكاتي الحلوين
انا بقالي اكتر من اسبوعين يابنات عمالة الف من هنا لهنا واسأل هنا واسأل هنا وادخل على فتكات اعمل بحث عن الحلل واشوف ده بيقول ايه وده بيقول ايه لحد ما كونت احسن انواع الحلل في كل شئ
استانلس وتيفال والامونيا
بالنسبة للاستانلس احى نوع زهران يابنات وده عن فحص وتمحيص
في فتوكة هنا اسمها طلطيلة كتبت موضوع عن استانلستيل كركماز التركي وقالت انه احسن نوع استانلستيل وطبعا كل المدونة بقى بينقل بالسمع ان احلى نوع استانليس كركماز التركي وه غلط جدا واللي هتجيب جزء كركماز وجزء زهران هتتأكد ان زهران احلى بكتيييييييييير وهتندم انها مجبتش كله زهران ليه بقى سألتوني ليه ؟
اولا كركماز التركي مع الوقت والاستعمال بتسود من جوه والرز فيها بيلزق
اما زهران فممتازة ومهما طال استعمالها بتفضل بتلمع زي الجديدة والرز فيها مبيلزقش
فاللي هتجيب تجيب زهران يابنات في الاستانلستيل
بالنسبة بقى للتيفال فااحلى الانواع ارشيا الالماني خطييييييير والطبقة اللي تحت استانلس وخطيرة اقل ما يقال عنها انها خطيرة
وفيه زهران الفرنساوي اللي هي تقفيل فرنساوي وصنع فرنساوي
وفيه برستيج خطيرة برضوه
اي نوع تركي في اواني البيت مش حلو يابنات
فيه بقى ناس كتير شكرت في سافلون التركي في التيفال وبجد بجد وحشة موووووووووت اولا المادة المصنوعة منها هي حديد الزهر واللي يقولك الامونيا يبقى بيكدب عليكي وايديها كمان مربوطة بمسامير بتصدي مع الوقت
بالنسبة بقى للالامونيا
ولو اني منصحش تجيبي الامونيا لانه مش صحي خالص بس اللي عايزة تجيب الامونيا احسن نوع اسمه الدهااان وده برضوه حلو اوي
بس كده يابنات انا كده عملت اللي عليا والقرار الاول والاخير ليكي انتي قرري تحبي تجيبي ايه ومتجيبيش ايه
بااااااااااااي ياقمرات والى اللقاء مع معلومات جديدة عن احسن الانواع في حاجات جديدة تخص جهاز العروسة
roona roony roona roony 575049_2.gif فتكات رائعة Fatakat 575049 القاهرة – مصر