السلام عليكم ورحمة الله وبركاتة
زي العنوان كدة بالظبط
عايزة تعملي اكله سريعة وشكلها حلو
اعملي مكرونة بالباشميل
ومش هتاخد منك تجهيز في المطبخ اكتر من 10 دقائق
تعالي اعرفي ازاي
اولا المقادير
ربع كيلو لحمة مفرومة
بصلتين كبار
معلقة صلصة
قرن فلفل اخضر
400 جرام مكرونة اقلام
معلقتين دقيق كبار
كوب لبن
ربع كوب كريمة لباني
كوب شوربة
ملح وفلفل وورق لوري
اولا بنعصج اللحمة
نبشر البصلتين ونشوحهم في معلقة سمن
نضع اللحمة المفرومة وعليها
واول ملونها يتغير اضيف معلقة الصلصة وربع كوب ماء وعليهم قرن الفلفل المقطع وشوية فلفل اسود
واول متستوي ازود الملح حسب الرغبة
ثانيا بنسلق المكرونة
ثالثا نجهز الباشميل
بضرب معلقتين الدقيق مع كوب الشوربة مع كوب اللبن مع ربع كوباية الكريمة اللباني
وبضيف ملح ومعلقة صغيرة ورق لوري مطحون (بتعمل ريحة حلوة للباشميل) في الخلاط
ونضعهم علي النار في كسرولة حتي نحصل علي القوام المناسب
متخفيش هتتقل معاكي بس هدي النار وقلبي باستمرار ومفيهاش سمن ولا زيت وبتبقي خفيفة اوووي
ده شكلهم وهما لسة علي النار
وهنا وصل للقوام المناسب
بضيف معلقتين من الباشميل علي المكرونة المسلوقة
ونخلط كل المكرونة بمعلقتين الباشميل( بتخلي المكرونة متماسكة وعند التقطيع بيكون شكلها حلو وكمان بتخلي المكرونة مليانة بطعم الباشميل)
بفرد معلقة بشاميل في الصينية من تحت
وبعدكدة بضع نص مقدار المكرونة
نضع مقدار اللحمة المتعصجة
ونفرده كويس ونوزعه في الصينية
نفرد باقي المكرونة المخلوطة بالباشميل
هكمل المشاركة الجاية لان الصور كتير
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _