ازيكم ياقمرات عاملين اية
بعد تثبيت موضوعى بتاع الرقاق الناشف
نفسى اتفتحت وقولت اعملكم الرقاق الطرى
ندخل بقا على الطريقة ونقول بسم الله
المكونات
1- 1ك دقيق
2-معلقتين او 3سمنة
4-ربع كوب زيت
5- لبن رايب او عادى للعجن
6-ملح
الطريقة بالصور
حنحط الدقيق مع الملح ونعجن بالبن زى الصورة كدة
هنا الدقيق والملح
وهنا وانا بحط البن وعجنتة وطبعا بتحطى اللبن واحدة واحد يعنى على قد العجينة ماتحتاج لبن
وهنا بعد ماعجنتها بالبن ضفت السمنة والزيت وكملت عجن
ودى شكل العجينة بعد ما تشربت السمنة والزيت
وهنا بعد ماسبتها ترتفع حوالى نص ساعة وقطعتها الكيلو عمل 13واحدة
ودى الادوات اللى بفرد بيها العجين النشابة فى المرحلة الاولى وبعد كدة السريع معرفش بقا هما بيقولو علية سريع عندنا فى البلد بيفرد بسرعة
هنا بقا بعد مافردت العجينة ولفيتها على النشابة علشان احطها فى الفرن
هنا وانا بفرد الرقاق فى الفرن
وهنا لما اتحمرت من ناحية وقلبتها على الناحية التانية
وهنا لما طلعتها
دى بقا بقلب بيها الرقاق علشان متلسعش
وهنا بعد ماخلصت كل الكمية
اية رئيكم بقا بصراحة طعمة توحفة ومن حلوة ممكن تاكلية حاف وممكن كمان تعملى بية ساندوتشات للاولادك للمدرسة
وعجب جوزى ولاولادى اوى
يلا جربوة وقولولى
فى رعاية الله
ومتنسوش التقيم لانى تعبت اوى فية
مواضيع هذا القسم برعاية
mai 2024 mai 2024 682393_4.gif فتكات رائعة Fatakat 682393 اسكندرية – مصر