اولا المقادير:1كيلو لحم مفروم -عدد 2 بصله متوسطه الحجم-بهارات (ملح فلفل قرفه حبهان مع ورق لورى مطحون و البهارات على حسب الرغبه 
ثانيا الطريقه
نخلط اللحم والبصل المفروم والبهارات جيدا حتى نحصل على الكفته العاديه وبعدين نلفها داخل قطع المنديل زى المحشى تمام مع اختلاف الحجم يعنى الحجم بيكون كبير شويه لان اللحمه بتكش وهى بتستوى 
ثالثا طريقه التسويه:
طبعا لو الجو حلو ممكن نخرج نشويها على الفحم فى الحديقه وبتكون ولا اروع لكن لان الجو اليومين حار هانعملها فى البيت فى فرن البوتاجاز.
هانرصها فى صينيه من غير ما ندهنها ونحطها فى فرن ساخن وطبعا هاتنزل كميه من الدهن كتيره جدا معلش هانسيبها تستوى فيها شويه.
وقبل ما تبدا تتحمر هانصفى كل الدهن الزايد ده ونشيل شويه منه فى طبق صغير وياريت لو يكون استانلس ونرجع الكفته للفرن مره تانيه لحد ما تاخد اللون الجميل اللى بنحبه
نطلع الصنيه من الفرن وفى الوقت ده بنكون محمرين قطعه فحم على النار بنوسع مكان فى داخل الصينيه نحط فيه الطبق الصغير اللى فيه الدهن السايح نحط فيه قطعه الفحم الحاره ونغطى بسرعه ونسيبها شويه علشان تاخد نكهه الفحم وكانها مشويه على الفحم بالظبط. 
ونقدمها بعدكده بالطريقه اللى نحبها وبالهنا والشفا. مواضيع هذا القسم برعاية
duaa ashuor duaa ashuor images/avatars/moon.jpg فتكات هايلة Fatakat 606882 الشيخ زايد – مصر