النهارده جيبالك طريقه عمل الورق عنب للكساله بالخطوات والتفصيل
يلا نبتدي
بس يا ريت اللي يعجبها الموضوع تقيم وترد عليا
وانا من الاول بقول للكساله يعني مش عايزة تيقه
انا اول وحده من الكساله فعلشان كده اخترعت الطريقه دي لاني بموووووووووووووووووووووت في ورق العنب
يلا بقي كفايه رغي نبتدي بقي نبتدي بس الله
هتجيبي بصلتين وتحمريهم في زيت طبعا
واول لما يصفرا تحطي عليهم 3 ملاعق صلصه او طماطم زي ما تحبي
وتسبيهم يتسبكوا ووطي عليهم وحطي الملح والفلفل
وتكوني جيبه 3 جزم بقدونس و2 شبت ومخرطاهم رفيع اوي زي كده
وبعدين تحطيهم علي النار علي الصلصه بعد ما تتسبك
وتقليبيهم كويس وبعدين تحطي معلقه سمنه
وتجيبي الورق عنب
سمعاكي يالي بتقولي طب وفين الجديد ما ده العادي
الجديد جي حالا
ايوه هنخرط الورق عنب ونحطه علي النار
ونجيب 3 كبايات رز ونحطهم عليهم
وتحطي عليهم 3 كبايات ميه وعلي نار هديه كانك بتعملي رز عادي
وده الشكل النهائي وبالف هنا وشفه
ومستنيه ردودكم وتقيماتكم
انا عارفه الموضوع مش هيعجب محترفات المطبخ
بس انا من الاول قايله للكساله فمش عايزه تريقه او تقيم سئ
وجزاكم الله كل خير
في امان الله مواضيع هذا القسم برعاية
mimosh mimosh 635147_3.gif سوبر فتكات Fatakat 635147 الجيزة – مصر