ازيــــــــكم كلـــــــــكم
والله ده اول موضوع ليا هنا
فعاوزه تشجيع وتقييم بقا
وياريت دعولى دعوه حلوه ربنا يفك همى بيها
النعناع الاخضر الله على ريحته وعلى طعمه
صلوا على النبى الاول
كلنا بنموت فى النعناع الاخضر بالذات مع الشاى
بيبقا جميل اوى بصراحه
وفيه كمان بيحطوه على السلطات والاكل
بس للاسف انه مش بيعيش ونصنا بينشفوا ويطحنوه صح
طب ازاى نخلى النعناع اخضر منعنع كده يجى اسبوع ولا حاجه
انا بجيبه واقطع ورقاته الخضرا واشيل اى ورقه
صفرا او فاسده عشان متعديش الباقى
وبعدين الفه فى ورق اللى بيشرب الزيت ده
عرفينوا عشان يمتص اى رطوبه
والفه واحطه فى التلاجه على رف يكون ناشف وجميل كده
انا كنت الاول بحطه فى ورق جرايد بس طبعا ده اكبرررر غلط
وبيفضل معايا يجى اسبوع وممكن اكتر
صحيح
اوع حد يغسله سبوه كده بحاله ابقى اغسليه اول ما تستخدميه اوك
لو انتى جيباه مبلول او كده نشفيه الاول فى مصفاه
ونفس الطريقه نعملها مع الكرفس والبقدونس والخس والجرجير واى خضار له ورق اخضر
تمـــــــــــــام
وسمعت يا فتوكات معلومه تانيه من شيف فى التليفزيون
بس لسه مجربتهاش بس فى بنات هنا جربتها
انك تجيبى النعناع اللى عاوزه تحفظيه وغطسيه فى ماء مغلى
وطلعيه وانطريه من الميه جامد
حطيه فى كيس بلاستيك وفرغى منه الهوا
وحطيه فى الفريزر
وان شاء الله يفضل طازه ومنعنع
اختكم aya
طرق تانيه لفتوكات قمرات انا حبيت اضيفها عشان
الموضوع يبقا شامل كل الطرق اوك
طريقه العضوه monymedomony
المشاركة الأصلية كتبت بواسطة monymedomony 
تسلمى يا يوكا كل موضوعاتك جميله طريقتك دى جربتها بس فى طريقه هنا قريتها فى المدونة كان فى اخت جايبه طريقه حفظها للخضره فى التلاجه وانا طبقتها على النعناع وعاش كتير جدا قعد حوالى عشر ايام وهو انك جيبى الخضره او النعناع وتشيلى كل الاوراق اللى ف الاخر وتساويهم وتربطيهم باى حاجه وتحطيهم ف كوبايه ميه كانك حاطه شويه ورد وتحطيهم ف رف فى التلاجه والله بيقعد كتيرجدا بس اهم حاجه متخليش اى اوراق فى الميه هتخليه يبوظ
ودى طريقه العضوه ام ريتاج
المشاركة الأصلية كتبت بواسطة ام ريتاج2017 ممتاز طريقتك جديده وجميله بس انا بعمله بطريقه تانيه بجيب برطمان وامليه مياه واحط فيه النعناع والخضره البقدونس والشبت وكده كأنه ورد هههههههههههههههههههههههههه
بيفضل معايا بالعشرين يوم وبرضو طريقتك حلوه هجربها واحلي 5 نجوووووووم ليكي يا عسل
ودى طريقه العضوه دفء الأمومة
المشاركة الأصلية كتبت بواسطة دفء الأمومة انا بغسله وافرده على صينية مفروشة بمناديل او قماشة واحطه قصاد التكييف
بيبقى اخضر اكنه طازة وطعمه روووووعة واكانه طازة والله
ودى طريقه العضوه ماما عسوله
المشاركة الأصلية كتبت بواسطة ماما عسوله حلوه الطريقه انا بعملها وبحطه فى الرف اللى تحت الفريزر بيقعد معايا حوالى 15 يوم
اصلى بعشقه مع الشاى السخن او الساقع فى الصيف مع نقطتين ليمون
تسلم الايادى
ايه رءايكم بقا
ياريت متنسوش الدعوه الحلوه
مواضيع هذا القسم برعاية
yoka mody1888 yoka mody1888 554590_75.gif ملكة فتكات Fatakat 554590 ساكنه فى شقتى مع جوزى حبيبى اللى بيسبنى كل شويه ويمشى – من هنا