السلام عليكم ورحمة الله وبركاته
ازيكم يا احلى فتوكات يارب تكونوا بالف خير
النهاردة بمشيئة الله هقدملكم طريقتى الخاصه فى عمل الكفته اللى هى بأرز بس انا بدلت الأرز بالمكرونه والله طعمها ارووووع بكتييييييييييير
بصى يا قمرايه انا بجهز الحاجات بتاعتها وبفرمها بكبة الخلاط العاديه اللى هى دى
وصوره بقى للمقادير
ربع كيلو لحمه مفرومه+كوب صغير مكرونه يعنى حوالى 100جرام+نصف رابطة خضره مشكل كزبرة وبقدونس وشبت+بصلايه صغنونه+ثوم+بهارات وملح وفلفل
اول حاجه هنطحن المكرونه وتبقى بالشكل ده
——————
هنخلط كل المكونات مع بعضها ونحط كميه كميه فى الكبه ونفرمها وبعدين لما نخلص المقدار كله نقلبه على بعض ونفرمهم مرتين كمان علشان تكون ناعمه جدا
وده كان شكلها بعد اول واخر فرمه نشيلها بالتلاجه بقى ربع ساعه وبعدين نصبعها زى كده
ونحمرها وبعدين نعملها الصلصه اللى عباره عن نفرم ثوم ونسخن ملعقتين زيت ويادوووب لون الثوم يصفر ونضع عليه عصير الطماطم ونسيبها تتسبك وبعدين نزوها كوب شوربه ونضع فيه الكفته تستوى والصور توضح اكتر
كده حمرتها وعملت الصلصه وهضيفلها الكفته بقى تستوى
وكده تمام استوت وطلبت الأكاله مين هتيجى تاكل معايا
لو طبقى عجبكم ويستاهل قيموه ولو مش يستاهل اتفضلوا كلوه
اترككم فى رعاية الله وامنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده