تعالو اقولكو طريقتى فى عمل صينية البطاطس بس والله روعــــه
من مطبخى واليكم الصور والشرح
اولا انا قطعت البطاطس وحمرتها على نار متوسطه
ودى البصل المتبل حطيت عليه توابل فراخ وكمون وفلفل اسود وملح وقرفه وشوية خل ودعكتهم شويه …
وبعدين حطيتها على البطاطس وقلبتها كويس وسبيتها لغاية ما اعمل الصلصله او التسبيكه…
واثناء الصلصه ما بتتسبك قطعت عليها فلفل وطماطم شرايح
بعد الصلصه ما اتسبكت حطيتها عليها
ودى بعد ما طلعت من الفرن..ممممممممممممم ريحتها قلبت الدنيا
استنوى رايحين فين هعمل الفراخ واغرف ….
الفراخ فى الفرن
اول حاجه بشرت بصله وتبلتها بالاتى
صويا صوص وقرفه وكمون وبهارات وفلفل اسود وخل وتوابل فراخ.
.وشوية زيت زيتون ونص ليمونه.واحيانا بحط ذبادى بس المره دى محططش
ماكنش عندى…؟؟
وادى البصل
وبعد كده حطيت الفراخ على الخلطه
وخرمتها بالشوكه ودعكتها ودخلت البصله بين الجلد
(((انا سيبت الجلد عشان لما احطها فى الفرن ما تنشفش الطبقه اللى تحت الجلد..))لكن ساعة الاكل بشيله ومش بكله..الحكايه من نقصه دهون…
بعد كده شوحتها شويه على النار…
وده بدل ما اسيبهاساعه او ساعتين
مفيش فرق فى الطعم بين انى اسيبها وانى اشوحها
وعشان لو مستعجله…وعشان التشويح ده بيخليها تشرب الخلطه وبتبقى تحفه
وحطيت عليها شوية ميه…وغطيتها وسبتها على النار مدة سوها ساعه الا ربع على نار هاديه…اه نسيت اقلكوا انى حطيت شوية صلصه من اللى مسبكاهم..للبطاطص على الوش عشان النفس
وده شكلها بعد ما طلعت من الفرن جوزى اتحول من رحيتها
وبالهناء والشفا والله لو شايفنى استاهل التقيم يبقى كرم منكوا
ما استاهلش يبقى كرم بردوا هههههههههه
اسالكم الدعاء
استودعكم الله…
مواضيع هذا القسم برعاية
ضحكه مصريه ضحكه مصريه 366755_20.gif فتكات رائعة Fatakat 366755 حلوان – مصر