بسم الله الرحمن الرحيم
ازيكم يا احلى فتوكات
كل عام وانتم الى الله اقرب وعلى طاعته أدوم
ورمضان كريم عليكم
ويارب يبلغنا جميعا رمضان ويكتبنا فيه من الفائزين
طريقة مرقة الدجاج المجربة والافضل مليييييييييييييون مرة طبعا من كل الانواع الجاهزة
يكفي انك تعرفي ان الانواع الجاهزة معمولة من كل الحاجات المضرة و ال بتترمي من الدجاج للاسف غير المواد الحافظة المليانة اضرار
لكن ال هنعملها النهاردة باذن الله في البيت
* طعم مميز
* صحية
* موفرة
* مضمونة
الطريقة
1- هاتي هياكل دجاج ……… ممكن تشتريها جاهزة او انتي هاتي الفراخ واخليها بسهولة في البيت
لو مش عارفة اكتبي بحث ع اليوتيوب عن خلي الدجاج هتشوفي طريقة بسيطة نفذيها وهيكون عندك
الهياكل جاهزة
وياريت تكون كمية الهياكل كبيرة عشان تعمل لك عدد كبير من المكعبات تحفظيه في الفريرز ويريحك لفترة
2- بهااااااااااارات عربية ….تشكيلة من بهاراتك ال بتحبي تستخدميها مع الفراخ او خلطة جاهزة من عطار مضمون
وانا باذن الله هنزل لكم خلطة عملتها وعجبتني جداااااااااا
واساسي طبعا الحبهان وورق اللوري والمستكة
3- جزر ………. بقدونس ………… كرفس
دي منكهات للشوربة وبتخليها قريبة اوي من طعم برة
الطريقة
بعد ما تغسلي الهياكل وبيكون معاها الاجنحة بتاعتها
هتحطيها في صينية واسعة وتدخليها الفرن تتحمر ………
وبعد ما تطلع في حلة على النار هتزودي كمية مية مش كبيرة يعني مثلا 2 كوب
والجزر والكرفس والبقدونس
وتخليها تغلي على نار هادية من ساعتين لتلاتة
هتلاقيها اتكثفت خاااااااالص وبدأ اللحم ال الموجود في الهياك يتهري خاااااااااااالص
هتضيفي البهارات وتخليها على النار 5 دقايق كمان
والبهارات اختياري يعني تزودي او تقللي بحسب رغبتك
لكن الافضل ان طعم البهارات يكون واضح ومميز في الشوربة
هتنزليها من على النار وتظبطي الملح زي ما تحبي وممكن تخليها بدون ملح حسب راحتك
هتصفيها كويس وتستبعدي كل العظم ال طلع من الهياكل
وهيتفضل الشوربة وفتافيت اللحمة والبهارات متركزة ومتكثفة وطعمها وريحتها مميزة جدا
هتضربيها في الخلاط هتلاقيها متماسكة كدة وجميلة
هتحطيها في صينية واسعة وتدخليها الفريرز ولما تقرب تجمد تطلعيها وتقطعيها مكعبات حسب رغبتك
وتكسري المكعبات دي وتحفظيها في كيس عندك في الفريزر
تضيفي منها على اي اكلة في منتهى الجمااااااااااااال
وممكن تسهلي على نفسك وتعمليها في مكعبات التلج زي كدة
الصورة وخداها من فتكات
الصورة من موضوع هنا في فتكات اسمه طريقة مرقة الدجاج
وممكن لو عايزة الشوربة صافية خااااااالص
ممكن تصفيها من فتافيت اللحمة والخضار وتحتفظي بيها مكعبات شوربة مركزة
حسب ما تحبي انتي
انا جربت الاتنين وعجبتي الطريقة الاولى اكتر
ومرقة اللحمة بنفس الطريقة
بس هتستبدي هياكل الفراخ بماسورة تشتريها من عند الجزار مع كام قطعة لحمة على ربع كيلو دهن
وهتتبعي نفس الخطوات ال فاتت بس هتزودي البهارات شوية وخاصة الحبهان
وهتسيبيها على النار مدة اطول عشان عظم اللحمة ينزل كلللللللللللل الدسم ال فيه
ويارب تكون معلومة مفيدة بالنسبة لكم
وهنا طريقة التومية
**طريقة التومية الوهمية زي المحلات بالظبط باذن الله وتحدي وعن تجربة **
وماتنسوش الموضوع ده
فيه
فيضااااااااااااااااااااااان من الافكار والاسرار والتكات والتجارب المميزة جدا جدا باذن الله
ومعانا هتعيشي اجمل افكار لاجمل رمضان باذن الله
۞۩ رمــــضان كرنفال فــــرح .. تجهيزات .. زينة .. ذكريات.. لمة حللللوة .. متجـــدد۞۩
مواضيع هذا القسم برعاية
جنة التفاؤل جنة التفاؤل فتكات ست الكل Fatakat 282289 في صحبة الاحبة – يارب في -الجنة-