أنا كنت كل لما اعمل كشري واجي اعمل البصل يتحرق يا يطلع طري.. امبارح كنت باتفرج ع cbc سفرة والشيف واحد اتصل وسأله بيتعمل ازاي.. انا الموضوع كبر ف دماغي خاصة اني مكنتش عارفة اطبخ ايه فقمت عملت كشري وعملت البصل زي ما قال وطلع مظبوط للمرة الاولى ف حياتي
الطريقة
قطعي البصل جوانج او زي ما تحبي بس كل ما كان اكبر كل ما كان احسن في القلي
رشي عليه ملح وقلبية.. رشة مش كتير لاني حطيت كتير وطلع حادق وسيبيه 3 دقايق
بعديها رشي عليه دقيق وقلبيه ف الدقيق كدا وبعديها اقليه في الطاسة زي البطاطس وقلبيه من وقت للتاني علشان ما يتحرقش من ناحية وناحية طرية
لحد ما توصلي للون والقرمشة بتاعة المحلات
ولو طلع معاكي مظبوط ادعيلي في حملي دا بالولد الصالح المعافى
لو مطلعش مظبوط ادعيلي بردو .. انا عارفة انه ان شاء الله هايطلع مظبوط مواضيع هذا القسم برعاية
لتلت لتلت فتكات نشيطة Fatakat 940964 الجبيل – السعودية