كل سنة وانتم طيبين يا اجمل بنات.
انا جايبالكم طريقة عمل اللانشون بالدجاج عشان منشتريش من بره ومبنبقاش ضامنينه ويارب تعجبكم.
المقادير: (1)3 بيضة (2)3 قطعة جبنة مثلثة (3)رشة ملح وفلفل (4)2قطعة دجاج ماجى(وتفتفتيه بايدك كويس قبل ماتحطيه) (5)رشه توابل فراخ (6)فص توم(تقطعيه حتت صغيرة بالسكينة قبل ماتحطيه) (7)3ملعقة دقيق (8)كوب صغير زيت (9)3 حبات حبهان (وتفتحى القشرة بتاعتها وهتلاقى حبات سودة حطيها وارمى القشر) طبعا بتقولى نحطها فين انا اقولكم انتوا هتجيبوا الخلاط وتحطى كل المقادير من 1الى 9 فيه والخطوات اللى فى الجنب تتعمل.
الطريقة: كل المقادير دى هتنضرب فى الخلاط كويس اوى لغاية ماتتحول لحاجة زى العجين كدة وتسيبيها فى الخلاط وتروحى تجيبى حلة وتحطى فيها ميه وتسبيهاعالبوتجاز لغاية ماتغلى تروحى جرى تحطى اللى فى الخلاط فى كيس بلاستيك وتقفليه وتحطيه فى الميه المغلية وتسيبيهم عالنار متوسطة لمدة ساعة وبعد ساعة هطلعى الكيس من الميه وتسيبيه يبرد ولما يبرد حطيه فى التلاجة وقطعى بالسكينة وكلى منه زى ماانتى عايزة وبالهنا والشفا. ماتنسوش التقييم بجد تعبت اوى . فى امان الله
مواضيع هذا القسم برعاية
@خلينى ذكرى@ @خلينى ذكرى@ 820956_5.gif فتكات هايلة Fatakat 820956 عروس الدلتا – مصر