النهارده هقدم ليكم طريقه عمل البط الدمياطى بما انى دمياطيه قولت يلا اعمليها
بس قبل ما اقول الطريقه
كل واحده فينا ليها طريقه فى اكلتها بتختلف يعنى كل بيت وليه طريقه اصل فى فتوكات كتير لما انزل وصفه تقولى انا مش بعملها كده انا مش بزعل
دى طريقه ماما الله يرحمها واتعلمت منها ادعولها ربنا يرحمها برحمته
انا رغيت كتير بس بقول وجهه نظرى
هنجيب البطه واهم شئ تنظيفها لان البط ريحته بتبقى زفره شو يتين ويا سلام لوكان عندك دقيق ذرة بيشل الزفارة جداااا او مياه غسيل الرز
بردوه بتشيل
نغسله بالدقيق والملح لحد ما جلد البط يبقى ابيض وزى الفل ننتقعه فى خل وليمون ونسيبه شويه
نحضر المرته بتاعت البصل
هنجيب كيلو بصل ايوة كيلو وياريت حجم كبير عشان بطتتى كبيرة
نقطع البصل ونجيب الملح والفلفل الاسود والكمون ونفضل تمرتىفى البصل جامد لحد ما ينزل ميته وتحطى عليه المياه وتحطيها على النار لحد ما تستوى ازاى تستوى لما تلاقى المياه قلت كده خلصت المرته نرجع للمرته
نرجع للبطوطه نغسلها ونجهزها للحشو بتاعتها بالمرته احشيها من تحت الجلد واحشها واكبسها جامد واقفلها من عند اللرقبه والبطن
ونجهزها
هنشوحها بالبصل
تنجيب حله ونحطها على النار ونحط شويه زيت ونروح حطين البطه وعليها بصل وفلفلل اسود ومستكه وحبهان ورق لورىتكون النار هادئه جدااا وكل شويه نقلبها على جميع الاتجهات
وبعدين ننزل المياه عشان هنعمل شوربه
وفى تكه اتعلمتها من الاخت الغاليه البليغه ام زيدجزاها الله خيرااا عشان الزفاره جبت جزر وقشرتها ورحت حطيتها فيها بجد مش هتلاقى ريحه زفره والشوربه طعمها يجننن
بجد الف شكر ليها ولكل عضوة استفدت منها
خلا ص البطه استوت اجيبها واجهز الصينه بتاعتى عشان احمرها فى الفرن وادخلها فى فرن ساخن جدااا
انا قدمت جنبها بسله وملوخيه وارز بالشعريه
كده خلصت موضوعى الحمد لله يارب اكون قدرت افيد حد انا لسه بتعلم جزاكم الله خيرااا التقيم يا احلى اخوات مواضيع هذا القسم برعاية
ام نوسو نوسو ام نوسو نوسو 343310_67.gif فتكات غالية قوي Fatakat 343310 ***دمياط*** – مصر