اسكتوا يا فتوكات جوزي شاف الشيف حسنين عامل طاجن لحمة وقال ايه انا رجعت من الشغل من هنا وراسه والف سيف لازم اعملها له بس بعد لما عملتها قلت والله له حق
طولت عليكم قلكم بقي علي المقادير والطريقة
بتجيبي كيلو لحمة بتلو واللي مش عندها بتلو تجيب لحمة عجالي عادي انا عملنها بلحمة عجالي وتجيبي حوالي نصف كيلو بصل وتقطعيهم شرائح رفيعة ومعاهم كام فص توم وتشوحيهم في المفروض زيت زيتون انا شوحتهم في قطعة زبدة وشوية زيت ذرة وبعدين يا ستي وهي الشرائح هتدخل علي الصفار حطي حبتين طماطم مقطعين قطع صغيرة وتقلبي لحد لما تلاقي الطماطم والبصل اصفروا وخدي بالك احنا مش عايزين نحرق البصل يا دوبك يصفر ننزل بالحمة بتاعتنا ونشوحها حبتين مع التوابل بتاعتنا ملعقة كاري ملعقة فلفل حلو بابريكا وشوية نعناع حسب الرغبة انا واحدة من الناس مبحبش طعم النعناع يبان في الاكل معايا يا فتوكات نجيب نصف شفشق خلاط طماطم مضروبة ونحطهم علي المقادير السابقة ده كله احنل لسه علي النار يا دوبك تاخد غلوة ونحطهم في الطاجن في الفرن
لو لحمتك بتلو هتاخد سوي نصف ساعة وجايز اقل لو عجالي هتاخد سوي ساعة
وطلعيها بقي وشوفي المنظر
بجد كان نفسي اصورها لكم وتشوفوا الجمال
عملت جنبها مكرونة اسباجتي وبطاطس شيبسي امانة عليكم اللي تجربها وتعجبها تدعي لي انا وبناتي وجوزي
وبالهنا والشفا وربنا يخليكم ليا
واللي عندها اي استفسار تسال ونا اجاوب عليه
رانيا ام هيا مواضيع هذا القسم برعاية
ام البنات رونا ام البنات رونا 60256_1.gif سوبر فتكات Fatakat 60256 الزقازيق – مصر
سبحان الله و بحمده