السلام عليكم ورحمة الله وبركاته
من اسبوع كدة عملت غدوة سمك
كانت عبارة عن طاجن فواكه البحر وشوربة سي فود وارز سمك
انا جبت من بتاع السمك ربع كيلو حمبري وربع كيلو كاليماري ونص كيلو سمك فيليه
وعملت بيهم غدوتنا الجامدة دي متكلفوش كتيير بس كانت حاجة محترمه وتشرف
طبعا بتاع السماك اداني الكاليماري مش متنضف بحثت انا في منتدانا الحبيب البيسهلنا الصعاب
ولقيت فتوكة سكر منزلة موضوع عن تنضيف السبيط صراحة ممتاذ وشرحها وافي جدااا
هحاول اجيب رابط موضوعها لانه فعلا مفيد جدااا
وقومت الصبح استعنت بالله ونضفته اتنضف بسهولة وكان جميل اوووي
سامعاكي يلي بتقولي اية البت الرغاية دي لوك لوك كدة
هدخل في الموضوع
ننضف الكاليماري والجمبري ونشيل كيس الرمل منه والسمك الفيليه
وقسمته جزء للطاجن وجزء لشوربة السي فود
اولا شوربة السي فود
نقعت الكاليماري والفيليه والجمبري في ميه فيها شوية ملح
في حلة قطعت بصلة قطع صغيرة وفي معلقة زبدة بتفرق كتير في الطعم
وقبل متحمر ضيفت فص توم مفروم
وضيفت الكاليماري والجمبري والفيلية المقطع مكعبات
واديتهم تشويحة صغيرة وضيفت عليهم حوالي كوباية ونص مية مش اكتر من كدة لانها مش هتاخد وقت وهتستوي بسرعة
ولما المكونات استوت ضيفت كوباية كريمة لباني
والملح والفلفل والكرفس(مهم جدااا بيفرق في الطعم)
وسيبتها تغلي غلوة واحدة بس وطفيت عليها
ودوقي احلي واخف شوبة سي فود
استنوني هرجع بالطاجن
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _