مساءالخير لكل اخواتى
النهارده هنعمل طاجن الكوسه على طريقتى وده اكله خفيفه فى الصيف
هاتى كميه الكوسه اللي انتى عاوزاها واغسليها وقطعيها شرايح بالطول بسمك 1سنتم ومتقشريهاش خليها بقشرها
ضعيها فى الدقيق زى السمك واقليها فى الزيت
تكونى معصجه لحمه مفرومه حطى في اللحمه شويه فلفل رومى مقطع صغير وشويه نعناع ناشف او اخضر وفصين توم
وملح فلفل قلبي كله على بعضه رصى الكوسه نصها فى الطاجن وحطى اللحمه المعصجه فى الوسط وبعدين حطى النص التانى بتاع الكوسه
اعملى بشميل وحطيه على وش الطاجن ابشري على وشها شويه جبنه رومى ودخليها الفرن وبالهنا والشفا
مواضيع هذا القسم برعاية
الحاجه توته الحاجه توته 634358_5.gif ممنوعة من المشاركة Fatakat 634358 الجيزه – مصر