طبعا كلنا عارفين الكالاماري وكل منطقة على فكرة بتسميه اسم
النهاردة انا هعمله طاجن واحشيه رز بالجمبري الصغير ان شاء الله يارب يعجبكم
بسم الله
اولا انا بجيبه كبير ويكون مش مقطوع من تحت والواحد كدة تكون ماسكة نفسها واغسله كويس اوي بالمية والملح عشان الزفارة
وبعد ما اغسله كويس ابدأ في تحضير الخلطة بتاعته
مكونة من{ رز مغسول-بصلة مفرومة- فصين توم مفرومين – خضرة مكونة من بقدونس وكسبرة مفرومين -جمبري الحجم الصغير اللي بيتقال عليه بيبي يكون مغسول كويس جداا -فلفل متقطع حار ولو مش عاوزة مش مشكلة-تلات ملاعق معجون صلصة -نص كوباية زيت زيتون او اي نوع مفضل}
كل ده بضيفه لبعض طبعا وبعدين نضيف التوابل
ملح – فلفل- قرفة- كركم -ريحان مفروم ولو مافيش مش لازم
ملاحظة مهمة: قبل ما احشي الكالاماري هحط حلة فيها مية وبصلة وشوية توابل واسيبها على النار لحد ما تغلي اكون انا خلصت حشو
وادي اول ما ابتديت احشي الكالاماري واوعي تحشيه لاخره وتعبيه وتكدسيه لا خلي فيه براح عشان الرز هينفش و يستوي كويس
والمية غليت عندي اهي انزل بالراحة اوي الكالاماري واحدة واحدة وهي اول ما تنزل هتقفل على الرز طبيعي
و لحد ما يستوي الكالاماري وده بياخد حوالي ساعة الا ربع اكون عملت الخلطة بتاعة الطاجن عندي
مقادير الخلطة
طماطم مقطعة مكعبات – ثوم مفروم – فلفل -كسبرة – وملعقتين صلصة -وممكن لو تبقى جمبري هنضيقه للخلطة ف الاخر
الطريقة :
هنشوح الثوم وننزل بالفلفل والطماطم ونقلبهم شوية لحد ماالطماطم تنزل العصارة بتاعتها ونضيف الصلصة وشوية مية اد فنجان ونسيبها تتسبك وبعدين نضيف الكسبرة في الاخر
والجمبري الصغير
تابعووووووووووووني هكمل ان شاء الله
مواضيع هذا القسم برعاية
نور الهدى حياتي نور الهدى حياتي 486355_14.gif فتكات هايلة Fatakat 486355 العبور – القاهرة