ازيكم يا فتوكات ياعسلات
النهارده عملت طاجن بطاطس باللحمه بس اييييييييه روووووووعه و اللحمه طلعت وهميه بجد و كمان البطاطس واخده طعم اللحمه
انا قولت اوريكم صوره لزوم التجويع الاول
يلا بقي كفايه رغي و ندخل علي المفيد
كيلو بطاطس
نص كيلو لحمه
كيلو طماطم
توابل
4 بصلات متوسطه
سمن
فلفلتين خضر
صويا صوص
نبدأ الاول باللحمه
دي المقادير اللي عاوزنها في اللحمه
هنحط شويه سمن في حله الضغط واللي معندهاش في اي حله تاني
و نجيب بصلتين حلوين كده ذيك و نقطعهم طرنشات و نحطهم علي السمن
ده لحد مايصفرو
هانحط اللحمه بقي و معاها التوابل وانا بحط ( كبابه صيبي و توابل لحمه و فلفل اسود و قرفه و جنزبيل و روز ماري)
و نحط الوصيا صوص
و نديها تقلبتين كده لحد ماللحمه تاخد لون حلو
هانضرب 4 طمطمات كده و نكمل بميه و نضفهم علي اللحمه
اول مايغلو نقفل الحله و نسبها ربع ساعه لو حله ضغط لو عاديه يبقي ساعه الا ربع مثلا او يعني تستوي تلت ارباع سوا
بعد الربع ساعه هانضيف بقي الملح و ناخد منهم كبشتين نركنهم هاقولكو ليه
وبعدين نسيب الباقي تغلي بيه لحد ماتنشف
ونركن اللحمه خلاص
البطاطس
في نفس الوقت نحضر البطاطس
هانجيب الطاجن بتاعنا و نحط فيه معلقتين سمن
و بصلتين طرنشات بردو وعلي السمن
لحد مايصفرو
هانضرب حوالي نص كيلو طماطم في الخلاط
وهانضفهم عليهم
هانسبهم تتسبك كويس و نحط الملح و الفلفل الاسود و مكعب مرقه
و نرص بقي البطاطس الطرنشات
و ناخد الكبشتين اللي من اللحمه ( فاكرينهم ) و نحطهم علي البطاطس عشان تاخد طعم اللحمه و نكمل ميه لحد ماتغطي البطاطس
ونسبهم يغلو لحد ماتبقي مستويه نص سوا
هانحط اللحمه من فوق و هانحط طرنشات طماطم و فلفل اخضر
لسسسسسسسسه هااااااااااااكمل[/font][/size][/color][/b][/i][/center] مواضيع هذا القسم برعاية
ريمو المصريه ريمو المصريه 422402_2.gif فتكات ست الكل Fatakat 422402 مصر – مصر