كل سنه وانتم طيبين وعيد سعيد عليكم
...البسله طلعت يابنات وانا بصراحه بمووووووووووت فيها
عملت النهارده طبق بسله بالجزر والبطاطس فالفرن بس اوعى بصراحه هو بطريقه حماتى لانى اكلته عندها وعجبنى جدا وقلت لااااااااازم اعمله امااااااااااااااال …ولما عملته وعجب جوزى قلت لازم اقولكم عليه …
نخش بقى على الطريقه الجامده جداااااااااااااا
بصوا هنجيب البسله ونفرطها ونجيب الجزر ونقشرة ونقطعه مكعبات نونو عشان يستوى بسرعه ومش يغيب ونجيب بصلايه حلوة كدة ونقطعها مكعبات نونو وندعكها بملح وفلفل اسود ونرميها ع البسله والجزر ونقلب كله فبعضة وعليهم حبه زيت نونو يجى معلقه كدة
نحطهم ع النار ونهدى ونقلب كل شويه هنشم ريحه تحححفه قيمه 10 دقايق مثلا
نحضر عصير الطماطم المناسب للكميه بتاعتى وممكن معاه معلقه صلصه عشان اللون ونطشه ع البسله
بعد مايغلى كله مع بعضه هنحط رشه ملح ورشه فلفل ورشه سكرهتقوليلى سكر هقولك ايون سكر لازم البسله تكون فيها حلاوة كدة وانت بتاكليها مش حادقه يعنى …سيبيها تغلى شويه كدة فالصلصه يعنى 10 دقايق كدة وبعدين زوديها شويه شوربه وسيبى كله على النار مثلا ساعه الاربع على نار هااااااااااديه
بعد كدة تجيبى بطاطسايه حلوة كدة وتقشريها وتقطعهيا مكعبات نونو كدة برضو اد مكعبات الجزر وارميها عليهم فالحله يادوب تغلى غلوتين مع الجزر والبسله
بعد كدة هاتى البيركس او الصينيه بتاعتك واقلبى كل ده فيها والحته بقى السريه بتاعتىهتجيبى نص فلفلايه وفص توم حلو كدة وتقطعيهم نونو خالص وتقلبيه فصنيه البسله وبعدين دخلى الفرن بتدى ريحه وطعم جنااااااااااااان….لو كنتى سالقه لحمه حطيها ع الوش الصينيه وانت بتدخليها الفرن..
سيبيها بتاع نص ساعه كمان كدة وبعدين اطفى عليها وسيبيها جوة الفرن 10 دقايق وبعدين طلعيها
وااااااااااو تحفه
ريحه وشكل وطعم يهبببببببببل منتهى الجمال..
يلا جربوها هتعجبكم خاااااااالص وادعولى ربنا يكملى حملى على خير… مواضيع هذا القسم برعاية
رودى2017 رودى2017 25843_1.gif فتكات متميزة Fatakat 25843 مدينة نصر – القاهرة