السلام عليكم و رحمة الله و بركاته
دى كانت مشاركتى فى مسابقة السمك الجميلة اللى قدمتها لبنى ربنا يخليها و يبارك لها و يجازيها خير على تعبها معانا هيه مشاركة بسيطة جدا جدا بالنسبة لباقى المشاركات الرائعة اللى كانت موجودة بالمسابقة و حبيت أشاركوا بيها
يلا بينا نبتدى الموضوع من الأول
قصدى من يومها يعنى
النهاردة انا عملت صينيه سمك هامور بالطحينة و الكزبرة و الصنوبر خصوصا عشان المسابقة
و نزلت جوزى يجيبلى السمك و فضل قاعد مستنى الأكل كتييييييير و يقولى بجد فتكات جننتك
الصينية دى فكرتها بسيطة جدا و بتتعمل يا بالسمك العادى و يفضل يكون قاروس او هامور
يا بتتعمل بنفس نوع السمكتين دول و يكونوا فيليه
( المهم لو فيليه يكون نوع ماسك نفسه شوية )
و ده اللى انا بفضله اكتر انه يكون فيليه
لسبب هتعرفوه كمان شوية
الأول هنجيب صينية زى دى و ندهنا بنقطة زيت بالفرشاة او بالمنديل
و نحط عليها ورق خبز و ممكن فويل
و ندهن الورق نفسه زبده
و نقطع بطاطس رفيعة او تخينة حسب ما بتحبيها و نحطها فى الصينية كده
نروح بقى للسمك
ده كان كيلو هامور فيليه
بيتعمل على خطوتين
مقادير الخطوة الأولى :
السمك
فلفل اسود
شطة ( للى يحب )
ورق غار ( ورق لورا )
ليمون مقطع شرايح
كمون قليل
بهار سمك
فلفل أخضر مطحون فى الكبة او مقطع صغير
دى صورة أقرب للمقادير
هنحط التوابل كلها مع بعض ماعدا ورق الغار و الليمون
و نتبل بيها السمك
و بعدين نحط الفلفل على السمك و نحط السمك فى الصينية
و بعدين نعمل شقوق او فتحات فى السمك كده
و نحط فيها ورق الغار
بعد ما حطينا ورق الغار
نحط شرايح الليمون
نغطيه بفويل و ندخله الفرن
بيقعد تقريبا نص ساعة او اقل
نيجى لمقادير الخطوة التانية اللى هنحضرها على ما الصينية تطلع من الفرن
معلقة زيت زيتون ( ممكن تستغنى عنها )
فصوص توم مطحونين
نص كوباية طحينة
من نص ل 3/4 كوباية ماية
ربع كوباية عصير ليمون
نص معلقة كبيرة كزبرة ناشفة
شوية ملح صغيرين
اقل من نص حزمة كزبرة خضراء
شوية جوز بيكان
اخدت الماية و الليمون و الطحينة
حطيتهم على بعض
]
نقلب كويس لحد ما يبقوا متجانسين كويس
و بعدين نضيف التوم و الزيت
و نقلب كويس و بعدين نضيف الكزبرة الناشفة و اغلب الكزبرة الخضراء ( هنسيب شوية للتزيين )
و بكده الخلطة التانية جهزت تمام و ده شكلها
نروح نطلع الصينية بقى من الفرن و ده شكلها من جوه كانت استوت
بس عدسة الكاميرا جاه عليها حاجة فا مصورتش كويس
تابعونى المشاركة اللى جاية مواضيع هذا القسم برعاية
zatoona magnoona zatoona magnoona 479996_3.gif سوبر فتكات Fatakat 479996 jeddah – saudi arabia