سلام عليكم ازيكم يافتوماتى ياقمرات النهاردة جيبلكم اكلة يونانى صحية ولذيذة وسهلة جدا يالا معايا نشوف
نبدا بسم الله
المقادير
بطاطس
جزر
بصل
فلفل اخضر رومى او عادى
باذنجان مقلى
بشاميل
جبنة مبشورة
بهارات+2شربة دجاج
نجيب الخضار كلة ونقطعة مكعبات صغيرة كدة
ودة الباذنجان قطعتة كدة
انا بقة ماقلتهوش انا حطيتة فى الفرن وعلية رشة زيت خفيفة وخلاص وكدة احسن
نجيب بقة طاسة اوحلة اللى عندك يعنى ونحط فيها معلقتين زيت ونحط البصل والفلفل يتشوحوا مع بعض شوية
ولما يتشوحوا نحط البطاطس والجزر ونقلبهم
بعد كدة نزودهم ماية سخنة وتحطى التوابل والشربة وتقلبى وتغطيعا على درجة حراة متوسطة وتسيبيها لحد مايستوى وخلى بالك مش لازم تنشفى الشربة كلها خلى فيها شوية
ودة الباذنجان لما طلع من الفرن
ودة البشاميل كنت مجهزاة وطبعا عارفين بيتعمل ازاى
نجيب صينية ونرص فيها نص الباذنجان المعوق دة كدة ونسيب اللى شكلة حلو ههههههههههه
ونحط نص البشاميل على الباذنجان كدة
الخضار استوى حطية بقة فى الصينية كدة
ونحط باقى البازنجان ونحط بقية البشاميل علية ولو عندك جبنة مبشورة شوية على الوش مش عندك رشى شوية فلفل اسمر اى حاجة تترش وخلاص ههههههههههههههههههههه
وها هى الصينية تخرج من الفرن بسلامة فسقفة للنبى ههههههههههههههه
دقوا بقة وادعولى وعملت معاها ارز ابيض وممكن تكلوها بعيش بتبقة حلوة برضة قوى
اية رائيكم جامدة طبعا بلا شك ههههههههههههههههههههه وزى كل مرة بقولها اللى تعجبها تقيم واللى مش تعجبها بالصينية وفى وشى عدل
مواضيع هذا القسم برعاية
ادم السعد ادم السعد 544495_8.gif فتكات نشيطة Fatakat 544495 زيورخ – سويسرا