ازيكم يا فتوكات وحشتونى بجد والله
النت كان فاصل مدة طويلة ومدخلتش
المدونة من زمان فقلت بقى مرجعش
بأيدى فاضية
عملت صينية فراخ بالخضارمشوية فى الفرن
بس اية ممتازة ومختلفة فى الطعم
نسمى باسم الله
ونقول المقادير
ملح فلفل كمون وزعتر
ملعقة صغيرة من كل حاجة
بصلة مبشورة ناعم وتوم مدقوق
ودة علشان نتبل بيها الفراخ
فرخة او اتنين الكمية اللى تناسبك
ونغسلها ونضفها كويس
انا كنت عاملة 2 الواحدة حوالى كيلو وربع
ويستحسن تكون صغيرة علشان تستوى
كويس وتفتحيها من عند الصدر
ونقطع شرائح بصل وبطاطس وطماطم وفلفل اخضر من كل نوع حبتين وسط
نتبل الفراخ بالبصل المبشور والتوم وطبعا التوابل ونعصر عليها لمونةونسيبها فى التلاجة شوية
دلوقتى نجهز صينية الفرن ونرص فيها
الخضارمن تحت
ونحط فوق الخضار الفراخ
كان عندى تقريبا نص كوباية
عصير طماطم حطيتها ع الوش
ورشيت عليها من فوق شوية زيت
ودخلتها الفرن
ودى بعد ما خرجت
ودى صورة ساعة التقديم
ودى صورة تانية
يارب تعجبكم طريقتى
ودا لاول واحدة ترد
مواضيع هذا القسم برعاية
**شهد كلمات الرحمن** **شهد كلمات الرحمن** 175060_38.gif فتكات غالية قوي Fatakat 175060 العاشر – القاهرة