هالووووووووووو ازيكم ياقمرات
وحشتونى آوى آوى يابنات
بقالى كتير منزلتش مواضيع بسبب ظروف حملى وولادتى
الحمد لله ربنا رزقنى بـ ليلى عقبال كل مشتاقة يارب
دعواتكم ربنا يخليهالى ويجعلها ذرية صالحة
عملت وصفة جديدة وقولت اشاركم بيها
بطاطس صغيرة باللحمة المفرومة
يارب تعجبكم وتجربوها
بسم الله نبتدى
( المكونات )
بطاطس صغيرة
( الكمية اللى عيزاها )
نص كيلو لحمة مفرومة
صلصة طماطم
بصلة مفرومة
زيت للتحمير
فلفل اسود وملح
وبهارات لحمة لو عندك
( الطريقة )
. هنقشر البطاطس طبعا ونقورها بالمقورة زى كده
. نحمر البطاطس فى الزيت نص تحميرة
. تبقى كده
. هنسبها على جمب وفى وقت ما بنحمر باقى الكمية نعصج اللحمة
. نحط بصلة مفرومة على النار ولما تصفر ننزل باللحمة والنار عالية
وبعدين نوطيها ونسبها تستوى كويس ونضيف الملح والفلفل الأسود والبهارات
. دلوقت هنعمل الصلصة اللى هنسقى بيها البطاطس
. نحط معلقة بصل مفروم كبيرة على معلقة زيت
. ولما تصفر نحط معلقتين صلصة طماطم
. وبعدين نزود كوبايتين ماء وملح وفلفل اسود
وممكن لو حابه نستغنى عن الملح
ونضيف مكعب مرق دجاج
ونسبها تغلى غلوة
كده تمام خلصناها
. هنحشى البطاطس باللحمة المفرومة زى كده
. ولو فى واحدة اتكسرت واحنا بنقورها منرميهاش نحشيها برضه
. نرص الصينية
. ونسقيها بالصلصة زى كده
. وندخلها الفرن بتاخد نص ساعه
وده شكلها لما بتطلع
. وطبعا تقوير البطاطس مش بنرميه بنحمره وبيبقى طعمه تحفة والله
كده خلصت ياحبايبى
لو عجبتكم
متنسوش التقييم
ونورونى بردودكم الحلوة
مواضيع هذا القسم برعاية
Just Smile Just Smile 488930_572.gif آم ليلــى القمرآية ♥ Fatakat 488930 يارب باركلى فى زوجى وبنوتى واحفظهم من كل شر اللهم انى استودعك اياهم ♥ – فـ رحمه ربنا الواسعه وفضله ونعمته عليا ~ الحمد لله رب العالمين