السلام عليكم ورحمه الله وبركاته
انهرده عملت شيش لحمه بس طلع حلو اوى ياريت تجربوه
اولا تتبيله اللحمه
معلقه مسطرده ومعلقه عسل اسود وميا بصله
ملح فلفل روز مارى زعتر توم وبصل بودر
شويه قرفه وسماق يعنى اى توابل تحبوها
وليمونه ومعلقه صويا صوص
حطيت عليهم حوالى نص كيلو لحمه مكعبات
وقلبت كويس وسبتهم فى الثلاجه حوالى ساعتين
وبعدين قطعت بصل وطماطم وفلفل رومى وبليت اعواد الشيش
رصيتاللحمه فى الشيش بالتناوب بالشكل ده
وحطيت معلقه زيت فى الجريل ورصيت العيدان
وبعدما اخدت لون الشوى رصيتها فى صينيه فرشتها الاول بالبصل
وولعت حته فحم فى وسط الصينيه وغطيتها
وبعد كده حطيت اللى باقى من التتبيله على الصينيه ودخلتها الفرن
وسيبتها شويه فى الفرن لحد ما شربت كل التتبيله
ويارب تعجبكم
مواضيع هذا القسم برعاية
الجنات الخضراء الجنات الخضراء 10048_1.gif سوبر فتكات Fatakat 10048 Alex – مصر