صباح الخير يا بنات
وحشتونى
انا النهارده عملنلكم
شوربه الخضار بطريقتى
اللى كل قرايبى شكروا فيها واعتمدوها باذن الله
واتمنى انها تعجبكم انتوا كمان
طبعا شوربه الخضار دى عشقى بجد
ومش شرط ابدا تبقى للناس العيانه او الناس التعبانه اوالناس اللى بتعمل ريجيمات بس
شفاهم الله وعافاهم
لا خالص
عايزين نغير الفكره دى شويه يا بنات
لان هى ما شاء الله
كلها فوايد ومعادن وفيتامينات وحديد
ده غير انها بتنقص الوزن جدا لما بنعتمدها كروتين للاكل بتاعنا فى حياتنا
وطبعا انتى كل ما تكترى الالوان فيها
يبقى انتى كده بتكترى الفايده والقيمه الغذائيه بتاعتها
بس لو هتعمليها كرجيم او للى معدتهم تعبانه هتغيرى شويه فى التكنيك
يعنى مش هتعملى اول خطوه اللى انا عملتها
هتقومى تغلى الشوربه وتنزلى بالخضار عليها
بس كده لحد ما تستوى
وفيه ناس بتبقى تعبانه اكتر شفاهم الله وعفاهم
فبيعملوها بميه من غير شوربه خالص
عشان تبقى اخف طبعا وتريح معدتهم
طيب تعالو معايا وانتوا هتفهموا قصدى
اوك
انا كان عندى يومها
بسله وجزر وكوسه وبصل وبطاطس
واتكلت على الله وعملتها وطلعت رهيييييييييبه ما شاء الله
طيب يلا ندخل على الطريقه
اول حاجه انا جيبت الخضار وقشرته وقطعته وغسلته اهو
دول البسله والجزر والبطاطس بس
طيب هتسالونى طب فين الكوسه
الكوسه لوحدها تحت اهه هههههههههههه
لان الكوسه بالذات يا بنات من الخضار اللى مبياخدش سوى خالص على البوتاجاز
فانتى لو حطتيها فى الاول مع باقى الخضار هتتهرى منك وهتطلع شبه مرات الديك الرومى هههههههه
اوك لحد كده
ادى الخضار اهه بعد ما قطعته وغسلته
وادى الكوسه اهه هى كمان متقطعه ومغسوله اه اشمعنى هى يعنى ههههههههه
ودى بقى اول واهم خطوه يا بنات
انا بحط نص معلقه زبده او سمنه او زيت بسسسسسسسسس
متكتريش عن كده لان انتى كده كده هتسويها فى شوربه
والشوربه طبعا فيها نسبه دهون اصلا من غير حاجه
وقومت مشوحه بصلايه متقطعه لا صغير اوى ولا كبير اوى
انا عايزاها اصلا تنبان فى التقديم النهائى للطبق على اساس ان البصل كمان انا معتبراه نوع خضار زيه زى باقى الخضار اللى معانا
ولو انتى عايزه تصغريه اوى براحتك يا وزه طبعا
واول ما هيبتدى يدبل ويصفر بس يا بنات ويوصل للمرحله دى
قومت نازله بالخضار
ما عدا ايه يا بنات
الناس اللى نايمه يصحصحوا معايا ههههههههههههههههه
ما عدا الكوسه زى ما قولتلكو فى الاول
وناخدهم تشويحه محترمه كده يا بنات
واول ما الريحه الجميله تطلع
نقوم نازلين بالكوسه الرقيقه بتاعتنا
وناخدها هى كمان تشويحه كده معاهم
عايزه اقولك ان التشويحه دى عليها عامل كبير اوى فى طعامتها وحلاوتها
ممممممممممممم ههههههههههههه
ومتنسيش بهاراتك اللى هى الاساس
بس برضه متكتريش لان الشوربه اكيد متبله كويس
انا حطيت
ملح خفيف لانى انا طبعا عملاها بشوربه متملحه اصلا
وربع معلقه قرفه بس
مش تزودى القرفه لانها بتغمق الشوربه
وجنزبيل
وفلفل اسمر وورق لورا
وهنا بعد ما قلبتها وخلاص هغطى عليها واسيبها
هى ما شاء الله مخدتش ربع ساعه بس
بسبب التشويحه الاولانيه اللى انا شوحتهالها دى
ودوقى بقى احلى واطعم شوربه خضار فى الدنيا يا بيضه
واسيبكم بقى مع الشكل النهائى
اوكيشن
يارب الشوربه بتاعتى تكون عجبتكم وتقيمونى يا حبايب قلبى
اترككم فى رعايه الله وامنه
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر