السلام عليكم يا احلى البنات
كل سنة وانتم طيبين
انا خلاص بقيت مدمنة تصوير اكلات وتنزيلها
والله الكاميرا بقت ع طول فى المطبخ مش بتخرج منه
المهم عملت بقى انهارده فضلت خيركو شوربة الشوفان
كان اول مرة جوزى يدوقها قالى دى اساسى ان شاء الله كل يوم فى رمضان
والله تتاكل كده لوحدها من غير حاجه جانبها
هى اصلا وجبة متكامله لوحدها
المهم كفاية رغى
المكونات
2 جزرة
بصله كبيرة
طماطماية
ورق لورى و جبهان
صدر فرخة
5 معالق كبيرة شوفان كويكر
هنجيب لتر ماية نحطه ع النار ولما يغلى هنحط صدر الفرخة
والبصل والجزر والطماطم المقطعين زى الصورة
ورق لورى وحبهان
نسيبهم يغلو
بلولوء بلولوء بلولوء
ولما صدر الفرخة يستوى هنصطاده ونفتفته فتافيت نونو
ونصفى الشوربة وناخد اللى اتصفى اللى هو دا
ونضربهم فى الخلاط
ونرجعهم تانى ع الشوربة المتصفيه
طب ليه مضربنهمش بالشوربة من الاول
مش عارفه غباوة باين ههههههههههههههههه
واوعى تنسى تصطادى ورق اللورى
ونحط عليهم فتافيت الفراخ اللى احنا فتفتناهم
وترجعها ع النار تانى
ونحط عليها 5 معالق كبيرة شوفان كويكر
ونسيبها تغلى تانى بلولوء بلولوء بلولوء
وندوق بقى ونحط الملح والفلفل ونسيبها 3 دقايق ونطفى بقى
ونقدمها انا حطيت حبة كزبرة خضرا عشان ازينها
وكل سنة وانتم بالف صحة وخير
ومتنسوش التقييم
حلو او وحش قيمو
بحبكم فى الله
فى امان الله مواضيع هذا القسم برعاية
ليالى مصرية ليالى مصرية 403997_5.gif فتكات غالية قوي Fatakat 403997 جدة – السعودية
سبحان الله و بحمده