اولا السلام عليكم ورحمه الله وبركاته
انا كنت عملت الموضوع ده قيل كده كنت بسأل عن البنج النصفى
https://fatakat.univanet.com/#3737572
انا الحمد لله ولدت يوم 21/12 وطبعا اخدت البنج النصفى
والله يا جماعه هو مش متعب خااااااااالص هى يا دوب شكه الابره
لكن ولا وجع ضهر ولا اى حاجه
عشان اكون امينه ف كلامى تانى يوم الولاده رقيتى وجعتنى شويه هو يوم واحد والم استحمله يعنى
بس المهم انك تشربى كل يوم 2فنجان قهوه او نسكافيه عشان ما يحصلش صداع
وده كلام الدكتور مش كلامى
انا عملت الموضوع ده عشان انا كان نفسى اسمع رأى واحد مجرباه عشان اطمن
وادينى بفيدكم بتجربتى للى عايزه تطمن واى سؤال انا تحت امركم
ادعو بقى للنونو ربنا يبارك فيه اسمه ياسين
وبالمرة ادعوا لبنتى سلمى ربنا يهديها احسن مجننانى خالص
ربنا معاكم يارب ويقوم كل واحده حامل يالسلامه
ويرزق كل مشتاق يارب العالمين
فريسكايه فريسكايه 394033_8.gif فتكات هايلة Fatakat 394033 الاسكندرية – مصر