انا محرجه اوى يا بنات وزعلانه اوى من موقفين حصلوا
انا اولا والده من سنه ونص وزنى نزل شويه بس مش كتير وبطنى اكتر حاجه كبيره
اول موقف كان من فتره .. كنت رايحه انا وجوزى مشوار وطالعه اركب العربيه فواحده قامتلى من الكرسى الاولانى وقالتلى انا وجوزى تعالوا اقعدوا انتوا مكانى قدام عشان البيبى والمطبات !!!! تخيلوا !!!
وتانى موقف لسه كان امبارح .. كنت طالعه انا وحماتى واخت جوزى عند عروسه متجوزه لسه جديد فوقيهم وطالعين نباركلها ونقطها وكدا .. وبعدين قاعدين بنتكلم فانا بقول للعروسه استمتعى بوقتك وعيشى الايام الاولى دى جميله بعد كدا هيبقى عندك بيبى ان شاء الله وهتقول ياريت لحظه من الايام دى ترجع .. فردت عليا قالتلى اه والله انا عارفه العيال وتعبهم وانتى الله يكون فى عونك معاكى ابنك وكمان حامل ربنا يعينك
انا طبعا زعلت اوووووووى واحرجت اوى واخت جوزى وحماتى قعدوا يدحكوا فعلا احرجت جدا لان العروسه متعرفنيش ومتعرفش انا حامل ولا لأ بس بتقول بناء على شكل بطنى
على فكرا انا بلبس حاجات واسه بس انا بطنى كبيره فعلا خالص
معنديش اراده فى موضوع الريجيم دا ابدا وكل ما ابدا ارجع الخبط مش عارفه اعمل ايه فى نفسى
والمشكله انى فعلا بحب الاكل وبطبخ لجوزى يوميا مش بقدر امسك نفسى
وبجوع جدااااااااااااااااا جدااااااااا .. انا يا جماعه اقسم بالله بفتح عينى الصبح وانا لسه على السرير بطنى بتوجعنى من الجوع
انا كاتبه الموضوع دا لسببين
اولا بلاش اى واحده تحكم على واحده تانيه حامل ولا مش حامل الا لما تتأكد
لان لو بطنها كبيره زيى هتحرج .. ولو مخلفتش من زمان هتزعل .. ولو عندها مرض ولا انتفاخ هتدايق
يعنى لاى سبب بلاش نحكم على حد واحنا مش عارفين الحقيقه عشان منجرحوش
وثانيا عشان تقولولى على تجارب تشجعنى وتواسونى فى الاحراج اللى انا فيه
RoOozaya RoOozaya 455190_2.gif فتكات رائعة Fatakat 455190 Egypt – Egypt