بسم الله
السلام عليكم
شاورمه اللحم المفروم
نجيب اللحمه المفرومه وتكون نصف مجمده
تاخديها ف الكبه مع م دقيق
وتكبسيها ف كيس
وتعمليها مربع
دخليها الفر يزر تانى الى ان تصبح نصف مجمده
علشان تبقى سهله تتقطع شرايح
وتكبسى كل شريحه بين ايدك
تحمريها ف معلقتين زيت زيتون
النار تبقى عاليه ف الاول
ولما تقلبيها ع الوش التانى توطى خالص
وتتبليها بهارات ملح فلفل كسبره ناشفه
تنشليها وتقطعى البصل وتسيبيه يدبل شويه على نار هاديه مكان تحمير اللحم
وتضيفيله الطماطم المقطعه تدبل شويه
وتضيفى اللحم بعد ما تكونى قطعتيها صوابع
وطحينه على خل على شوية مايه حطيهمفوق اللحمه
ظبطى البهارات والملح والفلفل
اخر حاجه البقدونس
تقليبه واطفى واعصرى ليمونه
حطيها ف العيش الشامى
وقدميها مع البينك صوص
وانا حطيت معاها ف الطبق
كفتة رز لانها طريقه حلوه
قلت تشوفوها
بتسلقيها ف شوربه وتحمريها
دى كمان كفتة رز محمره الاولاد يحبوها بالشكل ده
ويتشجعو انهم ياكلوها شوفو
ملحوظه اللحمه المفرومه ف الشاورمه بتبقى حمرا
ولو ربع كيلو مفروم بيعمل كمية حلوه
وبالنسبه لكفتة الرز اللى ف العيدان ممكن تقدميها ف حفلات الاطفال
يا رب يكون الاكل عاجبكو
مستنيه الردودالحلوه
والدعاء بالشفاء لمرضى المسلمين
والهدايه مواضيع هذا القسم برعاية
ام الفراشه ام الفراشه 115265_1.gif فتكات ست الكل Fatakat 115265 مدينة الاوهام – مصر