السلام عليكم ورحمة الله وبركاتة
اجازة اخر اسبوع سعيدة على الحلوين فاضية قلت ننزل موضوع حلو كدة وهو تكملة لموضوع خبز الشوكلاتة لتأكيد فكرتة وتكته الجديدة.
مقتطفات من حياتي
بقالنا زمان ما تكلمناش في اول الموضوع كالعادة. من حوالي اسبوعين كدة كانت مشرفاني بزيارة واحدة اسمها الكساندرا هان . هي ألمانية بس الحمد لله بتتكلم انجليزي فقدرنا نتفاهم مع بعض. الكس هاوية للطبخ والحلويات وعندها خط انتاج شيزكيك اسمة canadachesscake . كلمتي السنة الي فاتت في شهر 10 وقالت لي انا كنت بدور عليكي قلتلها بجد ازي وليه واية السبب وعلشان اية بعرفك بنفسي انا لطيفة مسعود اتفضظلي . قالت لي اه ماانا عارفة. عندي صديقة إماراتية بعتلها روابط مواضيعك وعرفتك وهي الي بعتت لي إيميلك ^_^ .
قالت لي انا في صدد اصدار كتاب عن تاريخ الطبخ الاماراتي ومحتاجة منك وصفات وكنت بدور على النت وجوجل عن امراتين مهتمين بالموضوع ده. ولقيت ماشاء الله أسماء اماراتية كتيرة في عالم الطبخ بس الي شدني ليكي الصور بس مش علشان هي حلوة وجميلة لا علشان انا حاسة اني بقرأ حكاية, ووصلني احساس بشغفك وحبك للي بتعملية فلو توافقي تكوني جزء من كتابي ده حيسعدني جداً. قلتلها طبعا حددنا موعد على شهر 2 حتكون في الامارات وقد كان . أسعدتني بزيارتها وجمال روحها وحبها للي بتعمليه . تخيلو كنت عاملة شيزكيك بس قالت لي مش باكل حلويات النهارة بس خدت القالب معاها ليوم الفري بتاع الرجيم. المهم اننا دخلنا المطبخ بقى وطبقنا وصورنا واتكلمنا واتناقشنا عن الطرشي والمخللات الاماراتية القدمية جداً بالاضافة إلى أنواع العيش . بس الأروبة اية جاية ومستعدة وعندها خلفية واسعة جدا جدا عن المطبخ الاماراتي .
هي دي ألكساندرا يا فتوكات . فعلا شخصية جميلة وروحها رائعة وكانت مستمتعة جدا واحنا بنتشغل لكتابها . وكل شوية تقول انا مش مصدقة اني صاحبة الصور الي شفتها على النت قدامي وكمان انا واقفة بعمل معاها وبحس بنفس الاحساس الجميل جدا جدا الي بحسه لما بتفرج على مواضيعك على النت اينعم ما كنتش فاهمة حاجة علشان بالعربي لكن الصور لوحدها بتشرح انتي عايزة تقولي اية يادي الصور
وكانت جايبة الهدية الجميلة دي . شاي متنوع . مج كوفي . شوكلاتة ترايفل 
النظرات دي بتمثلني فعلا ولا اية رأيكم . المج جميل وشيك بس اية لزمة استكر السعر الي تحت العلبة يا ألكساندرا
احنا كدة بعدنا بعيد عن موضوعنا .
زي ما قلتلكم يا حلوين موضوعي النهاردة حيكون تكملة لموضوع سابق وهو (خبز الشوكلاتة) والفكرة الجديدة هي استخدام خليط الكيك الجاهز للحصول على قوام عجينة جديدة لكن غاية في الجمال . مش حتكلم عنه كتير ممكن ترجعي لموضوع خبز الشوكلاتة على هذا الرابط وتقرأي التفاصيل والفكرة كلها . علشان تعرفي تكملي معانا هنا
https://fatakat.univanet.com/#5758781
المرة الي فاتت كان عن استخدام خليط كيك الشوكلاتة لعمل خبز الشوكلاتة. وطبعاً الفتوكات ماشاء الله عليهم أفكارهم الجميلة اشتغلت وقالو طيب اكيد خليط الكيك الابيض ممكن يدينا معجنات حادقة او مالحة كمان جميلة . الفكرة كانت في بالي وطبعاً ما أقدرش اجاوب غير لما أطبقها بشكل عملي وأعرف بالظبط ينفع واية المقادير الصحيحة ومعيار خليط الكيك الجاهز , وفعلا طبقتا زي خليط خبز الشوكلاتة والمقادير هي هي والموضوع سهل جداً جداً والنتيجة غاية في الجمال بجد . والنهاردة حطبق العجينة دي كمعجات وكمان كدونتس وحتشوفو الطريقة كمان شوية لكن تعالو نشوف الشكل النهائي . هنا المعجنات
وهنا الدوناتس . على فكرة وعد مني حتنسي دانكن دونتس ودوناتس كريم لو جربتي الوصفة دي . والاحلى انها غير مكلفة انا نفسي ما صدقتش انها دوناتس ومن غير بيض ولا زبدة وكمان أحلى من محلات الدوناتس وأقدر اقولك اني الشكل في الحقيقة احلى من كدة بدليل اني يوسف ما صدقش خالص انها مش جاهزة.
وحنسميها (عجينة الكيك المالحة)
هاه مستعدين . يتبع أحبتي ^_^
مواضيع هذا القسم برعاية
شيف لطيفة مسعود شيف لطيفة مسعود 330245_1.gif فتكات رائعة Fatakat 330245 دبي – الامارات