السلام عليكم ورحمة الله..
بعد إذنكم انا عندي سؤال معلش هو محرج شوية.. بس ياريت تفيدوني
انا دورت في مواضيع الاستشارات عشان يمكن الاقي الإجابة لكن ملقيتش
هو أنا كنت من فترة جتلي التهابات وروحت للدكتورة واديتني مضادات حيوية ومشيت عليها، ولما سألتها هي جت ازاي عشان انا بحب اقي نفسي احسن ألف مرة من العلاج .. قالتلي لما بتاخدي برد بتقولي جالي ازاي؟ ده مرض عادي يابنتي
المهم خفيت الحمد لله .. بس الموضوع رجع تاني اليومين دول ولما قلت لماما عاوزة اروح للدكتورة تاني قالتلي مش لازم دي حاجة عادية وجابتلي لبوس وقالتلي خديه!!!!
لبوس ازاي يا حاجة، صباح الفل ودي تقوللي عادي اقري الروشتة هتلاقيه عادي انك ممكن تستعمليه .. بس انا فعلا قريت الروشتة ومكتوب فيها كده هنقولهولكو بالنص "One vaginal capsule should be inserted deeply into the vigina" يعني لازم اللبوسة تتحط جوا
ازاي بقا.. قولولي ده ينفع ولا مينفعش، عشان الصراحة سوابقي مع أمي في الحاجات دي كلها كانت بتلبسني في الحيط مع إنها متعلمة ومركزها كويس، بس شكلها بتحب تخلص من أسئلتي وخلاص
معلش طولت عليكو أنا آسفة.. بس والله معنديش حد اسألو غيركم
Milagro Milagro 490813_4.gif فتكات رائعة Fatakat 490813 الجيزة – أم الدنيا