انا محرجه من الكلام الى هقوله بس مليش غيركم يافتوكات
انا هعمل حقن مجهرى وابتديت التنشيط والدكتور كاتبلى مضادات حيويه ليه ولجوزى انا اخد الدواء بتاعى بس جوزى كسل ياخده وده مهم جدا علشان ميحصلش عندى التهابات وقت العمليه
المهم الدكتور قالى لو فيه علاقه يبقى باستخدام الواقى علشان انا مضرش
المهم احنا جبنا نوع صينى كده كان ب6 جنيه بس مش فاكرة اسمه معجبش جوزى خالص ولا عجبنى مفهوش احساس طبيعى
وانا شفت وانا باخد الحقن فى الصيدليه انواع واقى العلبه بتاعتها شيك اوى وشكلها نضيف بس انا محرجه من البنت الى فى الصيدليه اسالها وكده
بصو انا جبت ليكو صورته وانتو لو فيه حد جربه يقولى هوة جرب انى نوع فيه وكويس ولا لأ وسعرة ايه معلش الموضوع حساس وانا لو ربنا كرمنى ونجح الحقن المجهرى هستخدم الواقى طول فترة الحمل علشان بصراحه هخاف يجيلى التهابات من الجماع
ادعولى بقى ربنا يكرمنى فى الحقن واحمل فى توام مرة واحده علشان ارتاح من الحقن الى هرتنى دى
yoyo71 yoyo71 images/avatars/peppers.jpg فتكات غالية قوي Fatakat 590069 مصر – مصر