صباح الفل علي احلي فتوكات في الدنيا
عملت من كام يوم سمك مشوي ورز بالجمبري كانوا طعمين اوي
قولت اوريكوا الطريقة ومستنية رأيكم
بسم الله نبدأ
المقادير للسمك
اي كمية تحبيها انا عملت سمكتين كانوا عندي في الفريزر وطبعا تنضفيهم كويس
5 فصوص ثوم مفرومين
نص فلفلاية اخضر متقطع صغير
بصلاية صغيرة متقطعة صغير
ليمونتين متقطعين سلايسز
كمون وملح
الطريقة
طبعا بنضف السمك كويس وبنفتحه من الجنب ونضفه كويس جدا
ونجيب الثوم المفروم نتبله بملح وكمون وممكن شطة
ونحشي بيه السمك من جوه
ونجيب البصل والفلفل ونتبلهم بملح بسيط وكمون وبرضه نحشي السمك
وفي الاخر نحشي السمك بالليمون السلايسز
ممكن تسيبوه شوية في الثلاجة يتبل او ممكن تشوه علي طول
المهم
بنجهز الشوايه بتاعتنا سواء اللي بالكهرباء او الشبكة اللي بتتحط علي البوتاجاز ونسخنها كويس اوي
ونحط السمك عليها
ونقفل الشواية علي السمك
ونسيب السمك يتشوي علي نار متوسطة ونقلبه من وقت للتاني علي كل جنب
ممكن اثناء الشوي نضيف نقط زيت علي السمك عشان يدي ريحة الشوي المميزة
ودة هيكون الشكل النهائي للسمك بعد ما اتشوي واستوي
ممممممممممممممم يجنن يا بنات ريحة وطعم مفيش بعد كدة
وكدة اكون خلصت وصفة السمك
يتبع
مواضيع هذا القسم برعاية
(Lara) (Lara) 265722_27.gif فتكات غالية قوي Fatakat 265722 الرياض – السعودية