اهلين وسهلين بفتوكاتى الاعزاء
انهارده معنا اول طبق اكله اقتصاديه عجه ايوه
من اكلات اخر الشهر من غير بروتين يعنى هههههه
اولا بصلتين كبار ونقطعهم صغير ونحمرهم فى معلقتين زين
بعد ما البصله تتحمر ننزل بكوبايه مايه كبيره عليا تسخن بس
نحط معلقتين زيت فى الصينيه ونسخنه
نجيب اربع بيضات وخضره شبت وكزبره وبقدونس مقطعه صغيره جدا
واربع معالق دقيق ونخلط الخليط ده مع التقليه بمايتها ويكون العجينه متماسكه
ولا تخينه قوى ولا متماسكه قوى
وملح وفلفل وكمون وشطه ونخلط الجميع مع بعض ونضعه فى الصينيه والزيت فيها سخن
ندخلها الفرن وده شكلها بعد ما استوت
ودى كانت نهايه العجه يا فتوكات
تعالو للطبق التانى
بطاطس بالخل والتوم ما هو لازم ننوع فى البطاطس
نقشر البطاطس ونقطعه صغيره مكعبات ونسلقه سلقه خفيفه مش نهريها نحط شويه ملح وكمون قرب التسويه
ننشلها من المايه ونصفيها ونحمرها فى الزيت
كام فص توم نقشرهم ونفرمهم ونحمرهم فى معلقتين زيت وننزل عليهم بنصف كوب خل
ونكون طلعنا البطاطس من الزيت بعد التحمير وننزل بالطشه ونوزعها على وش البطاطس
انا كدا خلصت يا قمرات
عايزه منكم ردود زى المطر احلى تشجيع من احلى فتوكات
تشجيعكم ليا هو اللى بينسينى تعب الصور وتصغيرهم والنت وغلاسته
مواضيع هذا القسم برعاية
رفيده بنت سعد رفيده بنت سعد 751555_20.gif سوبر فتكات Fatakat 751555 مصريه وافتخر – مصر