ازيكم يا بنات يا مدامات وحشتونى وحيات خالى حسن انا حبيت اتكلم معاكم على رص النيش المودرن لانى الحمد الله ماورايش حاجة طول اليوم وكل يوم غير اعده النت واشوف اى احدث حاجه واشيك حاجة علشان ابقى اعملها فى شقتى انشاء الله وقلت افيدكم معايا بس بشررررررررررررررررررط اول حاجة لازم نتفق مع بعض عليها هى مالكيش دعوة بالناس مالكيش دعوة بالناس مالكيش دعوة بالناس اقول تانى يعنى اللى انتى عاوزاه وعاوزة تعمليه اعمليه مالكيش دعوة دى هتقول ايه وياترى هيقولو عليا ايه لا طبعا كلنا والحمد الله بنجيب احسن حاجة انا بقول احسن حاجة مش اكتر حاجة يعنى ممكن واحدة تجيب 10 اطقم كايات والطقم سورى يعنى وحشششششششششششش جدا وممكن واحدة تجيب 4 ولا 5 يكونو غالين وشيك جددددددا يلا نبتدى باسم الله :
اول حاجة اللى نوت انشاء الله تعمل حاجة فى الشقه مودرن او نيش مودرن احب اقولك نصيحه من اخت ليكى لو هتعملى حاجة مودرن يبقى تعملى كللللللللللل الشقه مودرن مش تعملى اوضه مودرن واوضه كلاسيك تحسى وانتى ما شيه فى الشقه بين الاوض كانك بتتحركى بين عصر حديث وعصر 1900 خليكى ثابته على حاجة انا فى رأى ان المودرن هو الاشيك لانه عصرى ويحسسك بالحداثه لكن بحس الكلاسيك بيدى احساس القصور القديمه اللى كنت بشوفها فى افلام الابيض واسود فمش بحبه وبرضو فى الاخر كل واحد حر فى رأيه ولولا اختلاف الازواق لبارت السلع يبقى ايه احنا خلاص اتفقنا هنفرش النيش مودرن تعالو ورايا وركزوووووووو وافتكرو الشرط اللى كان بينا هااااا
ايه هى رصه المودرن وتفرق ايه عن رصه النيش الكلاسيك ؟؟؟؟؟؟؟؟؟؟؟ حطة تحت دة ميت خططططططط طبعا الكلاسيك شفناه فى مليووون شقه عند اهلنا وفى بيت بابا وماما طبعا وعند ناس كتير اللى هو النييش اللى مليان حجات على عينه وكلللللل طقم الصينى وكلللللللل الكاسات وكللللللل الفناجيل وشنطه المعالق ولو فى شنطه سكاكين ما يضرش وشويه انتيكات وفى الاخر فى كتيير جدا النيش بتاعهم بيوقه فى اول شهر جواز ويتكسر ويجو يقولو دى عييييين يا لهوتتتتتتتتى عين ايه يا شيخه ده انا عينى طلعت بقى كل ده ومش عاوزة الراجل يقع وتقولك منا بحط ده كله علشان الناس تعرف انى جايبه طيب انا هوريكم صور وتقولو رأيكم بس قبل ما احط اى صور انا جيباها من جوجل علشان لو فى تشابه بينها وبين صور اى حد منزلها والله انا اسفه وهى غير مقصوده وياريت محدش يزعل منى
بصو كدة الرصه دى
هنا هى حاجطه كاااام طقم شاى وكام فنجان كتيير اوى على الرصه انا طبعا بتكلم على شكل المودرن مش على ان النيش يتحمل ولا لا
حطى حجات بسيطه حتى لو اتبقى حجات متير من حجاتك حطيها فى البوفيه شيليها واللى يجى يتفرج اول مرة ولو شاف واتريق وقال ايه ده انتى مش جايبه حاجه حطى صوباعك فى عينه وقوليله لا الحجات اهى ووريهاله وشيليها تانى وغيظيه وقوليله دى حاجة شيك مش هفاحها درب السعاده انا ولا حمام التلات بصى بقى الرصه دى
مفيش فيها غير حاجات بسيطه من الصينى ومفيش غير براااااااد واحد فوق اهو وطقمين تلاته كاسات متنتورين هنا وهنا وحجات بسيطه بس شكلها شيك شيك جدا اه وكما كوبايه
فى بقى الناس اللى بتحب تجيب انتيكات كتير وتحشى النيش بيها اشى بيبيهات واشى مراجيح مش عارف ايه اشكال والور المجفف اللى بيتبدر فى الارضيه بتاعه النيش غللللللللللللللللللللط كل الحجات والالوان دى كلها ده مش موردن والله يابنات يعنى بصى كدة
ده نيش وده ورد النيش الودرن والورد المجفف دونت ميكس ابدااااا علشان المودرن ده بساطه بساطه بسااااااااااااااااااطه مش الوان الوان الوان زى كدة بالظبط
ده كمان مش عارفه اسمه ايه هو عامل زى الطوب الملون ابعدى عن الالون بتاعه الافراح دى كلها ولا البلالين اه يا قلبى الاقى ناس نفخه بلالين ولزقاها فى النيش من جوه ويا ليله العيد وبتاع لا والله احنا عارفين انك عروسه وكل حاجة بس مش البلالين اللى هتخليكى عروسه طيب ما تمسكى اتنين وعلقيهم فى الطرحه وانتى ماشيه لو فعلا بيدلو على الفرح انا بهزر طبعا
فى حاجه كمان لما تيجى تشترى الكاسات والكوبايات بتاعه النيش يا ريت تبعدى عن الالوان اللى هى احمر بيلمع ده وفيه بروبرق وموف وبنفسجى ودهبى والحجات دى هاتى ابيض اوف وايت اسمر شفاف بيقى شكله احلى واقيم كمان بصى كدة
شايفه كميه الاحمرات والموف والبرتقالى والحجات اللى بتلمع دى مش للمودرن خااااااااااالص بصى بقى دى و احكمى انتى بنفسك
شايفه البساطه
نيجى بقى لحاجه تانيه انا بشوف حجات غريبه كدة اليومين دول فى النيش الاقى ناس حاطه الكاس معوج وكاسات متشقلبه فوق بعض والله بيفكرونى بعرض الاكروبات فى السيرك هههههههه وكاسات على جمبها ولازقه فى بعض زى كدة
يعنى ينفع كدة اعيط انا ده المودرن اللى قلنا عليه وكمان فى حجات تانى اللى بيبقى كانهم حالفين يمين تلاته انهم لازم يحطو الطقم كله على بعضه فى النيش ما ينقصش كوبايه وتلاقيها حاجه طبق فوقه كوبايه وفوقه طبق وفوقه كوبايه وحيات ربنا ان ابقول بيفكرونى بعروض السيرك محدش صدقنى
بصو الصورة دى مش حرمانه من حاجة معوج تلاقى متشقلب تلاقى فوق بعض تلاقى هى حالفه تحط الصينى كلها وفعلا حطاه فوق وتحت وماليه النيش بيه طيب ليه كدة خليكى بسيطه حطى حجات بسيطه بصو كدة
شايفين الجمال طبعا اللى هيشوفها هيقول اى دى مش جايبه حاجه خالص ساعتها هقوم مطلعه بقيت الاطقم والاصباق بتاعه الصينى والبسهومله فى راسه واحد واحد دى اسمها اناقه شياكه مودرن
فى حاجة كمان النيش المودرن مش محتاج مفارش شوفو كل الصور اللى نولتها هتلاقيها مفيش مفارش فى المودرن بتحطى على الزجاج علطول ايوة هو كدة اوحينى بقى واتعبينى وقولى ازاى وبتاع اسمعى الكلام الله يبقى احنا اتفقنا على الاتى
الحجات تطون بسيطه يعنى مثلا برااد اوحد بتاع طقم الصينى وكام ظبق طقمين كوبايات تلاته او اربعه كاسات طقمين فناجيل عاوزة تحوطى حاجة زينه مثلا تكون بسيطه برواز صورتك او صورته شيك صغير بلاش الالوان فى الكاسات الغريبه دى بلاش البلالين بلاش الورد المجفف والوانه الفظيعه خليها لاى حاجة تانى بلاش الظاط الملون بلاش الانتيكات الكتير والننوس والحجات بتاعه السبوع دى اللى طبعا كلنا بنشيلها ونحوشها من دلوقتى بلاااااش مفارش بلاش تحطة الكاسات والفناجين مقلوبه ولا ورا بعض ولا فوق بعض هو كل واحد مستقل بزاته كدة لوحدة فى حاااااااااله وحاولى تسيبى مسافه بين كل كوبايه او كاس او فنجان والتانى علشان بعد كدة لو حبيتى تطلعى حاجة تبقى برحتك وبردو بيدى شكل تحفه بلاش تلزقى الحاجة فى بعضها خلى الواحد يقف يتفرج عليها كأنها لوحه مرسومه والشرررررررررررررط مالكيش دعوة بكلام النااااااااس مش بياكل عيش ولا بيرص نيش ههههههه ده شعارى اه وحاولى تجيبى الحامل بتاع اطباق النيش علشان مش تزحلق وتقع لاقدر الله انا كدة قلت كلللللللل حاجة ويارب بس حد يسمع الكلام ويعمل بالشرط واللى عاوزة اى حاجة تانى انا تحت امرها وانتو شايفين يعنى انا تعبت فى الموضوع ولا اسمع بنقله فى اى حته هو كدة مكانه حلو واللى هتخرج من غير ما ترد ولا تقيم هدعى عليها يقع نيشها يوم الدخله وهى دخله الشقه ببببببببببس يلا موبيلات بقى اه ودى شويت صور للتعقيد
واخر حاجه سفرتى اللى انشاء الله هعملها بنفس الشكل بس يارب الراجل مش يعك فيها
تعديل :
اه منسيت اقولكم ان النيش المودرن بيبقى احجامه زى منا منزله فى الصور كدة صغير مش تجيبى دولاب هدوم كبييييييير اد كدة وتقوليلى عليه نيش ده انا ممكن اتشل فيها يدوب هو بيبقى دلفتين وبسسسسسسسس سواء اتنين منفصلين زى الصورة اللى فوق او نيش واحد بس دلفيتن
يا جماعه لوسمحت انا بس حبيت اوضح حاجة علشان فى ناس افتكرت انى جبت صور لفتوكات هنا ونزلتها فى الموضوع وبقول عليها وحشه اولا انا والله جايبه كل الصور دى من على جوجل فمش عافعه هل فى صور منها لفتوكات منزلاها هنا ولالا
تانى حاجة انا كلامى كله يعتبر بهزار يعنى علشان محدش يزعل
ثالثا انا مش بقول لكل وحدة جايبه حاجة انا اتكلمت عليها انا تكسرها وتجيب غيرها انا الموضوع عملاه علشان العرايس اللى لسه هيعملو النيش اللى لسه هيرصوه وعلشان كدة انا عملاه هنا فى قسم العرايس مش المتزوجين اللى خلاص رصو علشان يزعلو ويقولى انى بقول عليها وحشه انا بس بوضح وجهه نظرى وياريت محدش يزعل منى لانى والله نيتى سليمه ومش قصدى ازعل حد منى
jansy khano jansy khano 754119_2.gif فتكات متميزة Fatakat 754119 cairo – cairo
سبحان الله و بحمده