السلام عليكم ورحمه الله وبركاته …
ردى السلام ياوليه انتى وهى ..
طبعا الفتوكات كلهم داخلين وفاهمين قصدى من العنوان يعنى مش هرغى كتير وبما ان خير الكلام ماقل ودل انا قررت انى اخس طبعا لانى بصيت فالمرايه حسيت انى كده مبقيتش انسه وفجامعه ولازم ارجع اهتم بنفسى زى الاول واكتر …وده مش معناه ان اي ست تهمل فنفسها لانها بقت مدام ياااااالهوى كده غلط هتطفشى الراجل ياوليه انتى وهى
قصر الكلام انا قررت الم شويه الضمير الفاضلين عندى واخس بجد لان كل مره ببدا يوم يومين واكسل لكن لا لا لا مافيش تخن بعد كده (وللعلم انا وزنى مش عالى قوى يعنى كل الى محتاجه اخسه 10 ك واوصل للمثالى باذن الله)
فانا قررت ابدا دايت وهو بدون تعب او حرمان نوهائى ابدا اطلاااقا ولكن هنتبع الاتى :
اولا:هحاول اصحى بدري علشان ابدا اليوم صح وطبعا وانتى بتتوضى علشان اليوم يزيده بركه نشرب كوبايه مياه عالاقل طبعا لو كترتى تبقي برنسيسه وياسلااام لو بعد الصلاه شربنا خلطه تخسيس او شاى اخضر على مانقرا الاذكار
ثانيا :هنفطر فطارنا التمام وهو انك تاكلى بالكتير نص رغيف بلدى مع بيضه او قطعه جبنه او 3 معالق فول وبعدها بساعه اوساعتين كلى تفاحه او خياره او خس اى حاجه لو جعتى
ثالثا :هتتغدى غداكى الطبيعى يعنى هتاكلى كل حاجه ولكن هتخففى النشويات والسكريات واحده واحده مش تمنعيها يعنى لو متعوده تاكلى طبق رز خلى نصه او لو رغيف كلى نصه
رابعا:العشاء وده لازم حتما ولابد يكون اخرك الساعه 6 بالكتير قوى يعنى بعدها مفيش اكل خاااااالص قضيها مياه ومشروبات التخسيس
خامسا :ودى مهمه جدا الرقص ايوه الرقص وماتقوليليش مابعرفش مفيش ست مصريه مبتعرفش لو حتى مبتعرفيش اقفلى على نفسك الاوضه وعيشى لك نص ساعه حتى لو هتهبلى حبه حبه وهتعرفي وبعدين حبه حبه وصليها لساعه ايوه يااوختشى منك ليها خلى الكبت يطلع
سادسا :بعد كل ده صلى وانتى بتصلى ادعى ايوه الدعوه بتتقبل ومش هتلاقى غير ربنا يساعدك فده اولا ثم انتى بقا حاولى تسيطري على نفسك حبه حبه لحد ماتتعودى
***ملحوظه *** الحلويات والمكسرات ممنوعه طول الاسبوع وخلوها يوم الفري وبردو بعقل ويوم الفري بردو هيخلص الساعه 6 اه احنا ماعندناش كوسه
طبعا يابناويت الى تحب تشترك معايا النظام مفتوح والى حابه تكتب تقرير تكتبه فالكومنتات تحت وان شاء الله نساعد بعض والى عندها استفسار عيونى ليها
soka ya nas soka ya nas 1120169_1.gif فتكات نشيطة Fatakat 1120169 شبرا الخيمة – مصر