اكيد اللى هقولة كلكم عارفينة وهو انك وانت مليانة ماشاء الله وشك بدر منور
واول ما تعملى رجيم لا حول ولا قوة الا بالله الكل يقولك مالك يا حبيبتى انت عيانة ولا اية
انا بصراحة وصلت قبل رمضان لدرجة ان كل اللى كان يشوفنى يزعل على ويقولى انت شكلك اتغير
والله فعلا اتغير ……………..ملامحى اتغيرت من كتر ما وشى خس جدا
وصراحة اجبرت على انى اسيب الرجيم بابا وجوزى بالعافية خافوا على وخلونى بطلت بس زدت جدا زدت حوالى 10 كيلو
فى 3 شهور
وقولت لازم ارجع اكمل بس ادور على حاجة متبوظش وشى انا ما صدقت انة اتعدل شوية
لاقيت رجيم التفاح وفية ناس اطلقت علية رجيم الجمال لانة بيحافظ على نضارة الوش برغم انة بينزل الوزن كتير
انا بدأتة من النهاردة
كل يوم هدخل اقول انا عملت اية عشان تبقى تجربة لاى حد يفكر يعملة يمكن حد يستفيد منة ويدعيلى
نبدء بسم الله
انا النهاردة وزنى 98 بس اوعوا تقولوا لحد هههههههههههه
لما نشوف هنزل اد اية على اخر الاسبوع ان شاء الله
النظام
الافطار من 1 …2 كوب لبن خالى الدسم +2 تفاح
الغدا تفاح
بين الغدا والعشا ناخد كوب لبن خالى الدسم ويكون سخن (ممكن تعملية نسكافية او شاى بلبن)
العشا تفاح ولبن برضة
الرجيم دا بيعتمد اساسا على التفاح واللبن وشرب الماء بكثرة
ودا اللى بيحافظ على النضارة بتاعة بشرتنا
كدا خلاص لو حد حب يسأل على حاجة اوكية ياقمرات انا فى الخدمة ويارب كلنا نحقق هدفنا ونخس
انا نفسى مبدئيا انزل ال10 كيلو دول
بعد كدة بحلم اوصل لل70 يارب ان شاء الله
emyrose emyrose 202619_6.gif سوبر فتكات Fatakat 202619 الامل – مصر
سبحان الله و بحمده