السلام عليكم ورحمه الله وبركاته
ردوا السلام يا احلي بنات
من البدايه عشان نتفق كده عايزه ردود كتييييييييييييير وتقيمات اكتر ده لو الموضوع فعلا يستاهل وعجبكم
الوصفه دي بجد تحفه انا شفتها علي الفيس بوك عند واحده صاحبتي وعجبتني جدا
وطعمها رااااااائع كان غدانا النهارده
وعجب جوزي جدااااا
المكونات بتاعتنا ريش ضاني او اي نوع لحمه مسلوقه نص سوا
ومكونات خلطه المحشي العاديه
مكونات الخلطة لعمل نصف كيلو ورق عنب
نصف كوب عصير ليمون
نصف كيلو ورق عنب مسلوق
كيلو ريش ضانى مسلوقة ومتحمرة
2 كوب ارز مصرى
ربع كيلو بصل مفروم
نصف كيلو طماطم عصير
2فلفل اخضار حار
4 معالق زيت
كوب بقدونس +شبت +كسبرة
ملح فلفل شطة كزبرة ناشفة كمون نصف معلقة من كل نوع ماعد الملح حسب الرغبة
مكعب ماجى معلقة سكر
الاول نرص في صينيه او حله طبقه طماطم وفلفل وبصل
وبعدين نرص عليهم الريض الضاني
وبعدين نحط طبقات المحشي بس لازم نملي الفراغات بتاعت اللحمه عشان لما نقلب الصينيه تكون مظبوطه
وننهي الصينيه كده ونرصهم كويس عشان لما يتقلبوا يكون شكلهم تمام
قرب ما يستوي نعصر عليه عصير لمون
ولما يستوي نقلبه وبالف هنا وشفا
ودي صور للتعذيب والتجويع بقي
اللي عجبه الموضوع ياريت يقيم يا بنات واللي مش هتقيم براحتها خاااااااااااالص بس هعضها بجد
وهكهربها كده كمان
مواضيع هذا القسم برعاية
moy86 moy86 113169_2.gif سوبر فتكات Fatakat 113169 البحيره – مصر