السلام عليكم ورحمة الله و بركاته على أحلى و أجمل فتوكات
طبعا انا عارفة ان ده الموضوع التانى ليا النهارده فى القسم الجميل ده و انكوا زهقتوا منى بس معلش استحملونى
الموضوع اللى عايزة افتحه معاكم النهارده مهم جدا و الله و هو بخصوص اسعار الولادات دلوقتى
انا عارفة ان فى مواضيع كتير ناقشته بس للاسف أغلبيتها قديمة و المعلومات اللى فيها بقت دلوقتى غير مفيدة و ده بسبب الطفرة الفظيعة فى الاسعار اللى حصلت فى كل حاجة حتى أسعار الدكاترة و الولادات و المستشفيات
فانا بطلب رجاء من كل فتوكة احنا كلنا هنا فى بيت واحد و عيلة واحدة و محتاجيين نفيد بعض
كل فتوكة ربنا كرمها و قامت بالسلامة من الولاده ربنا يتملها على خير يا رب تفدنا بمعلومة عن الدكاترة و المستشفيات
أرجوكم بلاش تبخلوا بالمعلومة انا عارفاكم كلكم أطيب من بعض …أحنا عايزيين نستفيد من تجاربكم الله يخليكم
انا تعبت قوى و الله و انا عمالاه ادور على الاسعار الخاصة بالولادة و محدش بيدى معلومات فى التليفون كل ما اتصل بمستشفى يقولوا حضرتك لازم تشرفينا الاول و احنا حوامل مش هنقدر على اللف ده …. و أزوجنا مش فى بالهم …أقصد يعنى شايفيين موضوع المستشفى ده حاجة سهلة و كله زى بعضه ….بس طبعا لا أنا نفسى أختار مكان كويس و الدكتورة برده تكون شاطرة عشان متبهدلنيش
فأرجو أصحاب الخبرات أدخلوا قولولنا المعلومات المفيدة و اللى ربنا ان شاء الله يجعلها فى ميزان حسنتكوا يا رب::
يعنى هنكون محتاجيين معلومات زى الاتى :-
المستشفى اللى ولدتى فيها يا فتوكة
و هل الدكتور او الدكتورة كانوا شاطريين و لا بوظولك الدنيا ساعة الولادة
و أرجو من كل فتوكة تدخل تقييم الموضوع عشان يتثبت و يكون مرجع مفيد لكل حامل بدور هتولد فيين و بكام
lolamena lolamena 132391_11.gif فتكات ست الكل Fatakat 132391 الجيزة – مصر