السلام عليكم ورحمة الله وبركاته
محدش فينا اكيد مش بيحب الخوخ خاصة انه الموسم بتاعه دلوقتي
كمان بيجنن وهو ساقع وسمعنا كتير عن فوايده وفي نفس الوقت خايفيين ناكله علشان سمعنا برضو
عن الرش بالمبيدات وخطرها
انا كنت نزلت موضوع قبل كدا عن الطريقة اللي نتعامل بيها مع الخضار والفاكهة المرشوشة وازاى نقلل من مخاطر الرش بس محدش عبرني
لكن ولا يهمكم علشان القلق اللي جوانا لاني عاشقه الخوخ الاول هنعر شوية معلومات عنه وفي اخر الموضوع هقولكم على طريقتين حلوين علشان نتخلص من اكبر قدر ممكن من المبيدات
فوائد الخوخ
الخوخ
يحتوي المائة غرام من الخوخ على 85% من وزنها ماء و 5 غرام سكر – 1 غرام نشويات – 1 غرام حمضيات ونصف مليغرام حديد ونصف غرام بروتين و دهون- – فوسفور – كبريت – ونسبة عالية من من فيتامين C وفيتامين B وفيتامين B2
يساعد الخوخ على تنشيط المعدة
و يساعد على الهضم و مدر للبول
ويفيد في حالة عسر الهضم
كما يساعد على ازالة حصى المثانة والبول الدموي.
يحتوي قشر الخوخ على الياف ناعمة فيعتبر ملين طبيعي
مفيد للشعر والجلد
و يحتوي على نسبة عالية من فيتامين أ
ملحوظة هااااااامة
منع اكل الخوخ عن المصابين بمرض السكر كما لا ينصح باكلة للمصابين بقرحة المعدة او المصابين بالتهابات بالامعاء
معنى كدا يا فتوكات ان اللي بياكله ويعملها نزلة معوية بيكون علشان هي معدتها اصلا تعبانة خاصة انه حمضي زى الليمون كدا لما حد معدته تبقي ملتهبة الليمون بيزود الالتهاب وطبيعي هيعمل نزلة معوية
***************
طيب ازاى نقلل من مخاطر المبيدات والرش
خلينا متفقين ان كل الخضار والفواكهة لازم تكون مرشوشة مش الخوخ بس
وانا طبعا عملت بحث على النت وتوصلت لموقع زراعي لقيت فيه معلومات حلوة من مهندس زراعي
بتقول ازاى نقلل من مخاطر الرش دى واللي جاي دا هو الطريقة الصح في التعامل مع الخوخ واى فاكهة وخضار
1- عملية الغسيل
يعتبر الغسيل والشطف احد العمليات الشائعة عند اعداد جميع الخضروات والفواكه، ويراعى التقليب خلال النقع حيث تقل كفائة الغسيل كلما طاله فترة ما بعد المعاملة بالمبيد بصعوبة التخلص من المخلفات بالغسيل والمبيدات الاقل ثبات يمكن ازاة مخلفاتها بالغسيل بصرف النظر عن الفترة ما بين المعاملة واجراء عملية الغسيل.
2- عملية التقشير
يفيد التقشير في التخلص من الملوثات السطحية، والعيب يتمثل في ان هذه العملية لا تجري ما جميع المواد
3-عملية السلق
وهي عبارة عن معاملة حراريه اى التسخين في جردة حرارة متوسطة او الطهي الجزئي وعادة تستخدم مع الخضروات وتجري في البخار او الماء الساخن ووجد الباحثون ان السلق في الماء يزيل 73% من مخلفات المبيدات
4- عملية التجهيز المنزلي والطهي
عملية الطهي المنزلي تزيل معظم مخلفات المبيدات ، حيث تتحلل ونكسر تلك المركبات بعد التجهيز
طبعا الحجات مش هتشيل تاثير المبيدات 100% ولكن بتقلل نسبة الخطورة بشكل كبير جدا وربنا يحفظنا جميعا يا رب
وفي طريقة حلوة انا عن نفسي بحبها
نعمليه كمبوت
بمعني نجيب الخوخ ونغسله بميا وخل
وبعدين نقطعه ونشيل منه البذرة ونحط عليه شوية ميا وسكر ونحطه على النار ربع ساعه يطرا بس
بعدها نشيله في التلاجه يسقع طعمه رووووعة بجد
الطريقة دى بتخلي اى مبيدات حشرية تتحلل بفعل الغلي والنار وفي نفس الوقت نقلل من الحموضة بتاعته لو حد معدته تعبانة وبعمل كدا برضو في التفاح بيبقي خفيف جدا على المعدة
انا مش عايزة اى حاجة بقي منكم غير دعوة ربنا يتملي حملي على خير ويجيبلي بنتي بالسلامه
So-Lo So-Lo 482117_1.gif سوبر فتكات Fatakat 482117 assuit – Egypt