السلام عليكم
صديقاتى الاعزاء طبعابتابلنا كلنا موضوع زياة الوزن بعد الجواز ولاسيما بعد الولادة وبكتبلكم تجربتى لانى ربنا ابتلانى بجسم قابل للزيادة وغير قابل او صعب نزوله وطبعافي زيي كتير ولازم نخلف ونرضع ووزننا بيزيد غصب عننا
انا لسة والدة من اربعين يوم ،في ولادتي الاولي قالولي ريحي نفسك بطنك مش هتنزل وناس كتير محبطة ، قعدت ادور ادور ووزني يزيد يزيد هههههههه، المهم جربت كللللللللللللللللللل حاجة بما فيها اني بلعب رياضة يويميا ، وكمان قالولي مينفعش نظام غذائي مع الرضاعة ، وكنت بعمل برضو والنتيجة اللبن بيقل في الرضاعة وانا بزيد ما بنزلش
المهم قريت على صفحة الدكتورة سمر العمريطي ان الوزنهم بيزيد مع قلةالاكل يبقى حرقهم ضعيف ، وقريت عالنت كذا مرة عن مشروب الحرق " لمونة + برتقالة+معلقة جنزبيل + لتر ميا " بيحرق الدهون وينزل الجسم من اول شهر ، وجربتو فعلا بعد سنة من العذاب ووزن زائد ونفسية زي الزفت الحمدلله فعلا لاقيت نتيجة من اول شهر ويمكن من اول اسبوع كمان ، بس لازم الالتزام والاستمرار وشرب لترين ميا واكل خضروات كتير_ بس هو بينزل في الاول بطيء شوية وبعد كدة بيحرق جامد ، والحلو في الموضوع انه بيحرق الدهون وبيسيب اللحم بالجسم ، يعني مفيش اي اضرار – مفيش هبووووط – مفيش حرمان _ مفيش تكلفة هو كيلو لمون وكيلو برتقال و2 ج جنزبيل مطحون يكفوكى كتييييييييييييييييييير وكمان مفيد للجسم ، والحمد لله نزلت على النظام دة 10 كيلو على ست شهور
وبعد كدة حملت وولدت الحمدلله ومن اول يوم بعد الولادة ماشية عليه ونزلت 6 كيلو
بس هو الفروض بيتشرب بعد اي وجبة بشرط تاكلي وماتشبعيش على الاخر وماتكليش حلويات وباللذات الشيكولاتة ومتشربيش اي مشروبات غازية
الطريقة : برتقالة مقطعة – لمونة مقطعة – معلقة جنزبيل – لتر ميا
يتم غليهم وتركه ليبرد وناخد كوباية بعد كل وجبة مباشرة
بس هو مر شويتين بس تشربيه زي الميا بسرعة مش هتحسي
وممكن تحطي معلقة عسل نحل على اللتر كله بيخف المرارة
لازم يتشرب اللتر كامل يوميا
انا عاملة الموضوع للافادة ياريت دعوة حلوة
وبالتوفيق واي خدمة
dr.reka dr.reka فتكات نشيطة Fatakat 502296 القاهرة – مصر