السلام عليكم يابناتيت
حبيت احكيلكم عن تجربتىى مع خمول الغده واكتشافى لها
بداية انا ام لطفله
وكنت بستخدم بعد ولادتى لها وسيلة منع حمل موضعيه(لبوس مهبلى)
وفى مره نسيت استخدامه
وفوجئت بالحمل
اول ماعرفت بالحمل غصب عنى عينى دمعت
لان بنتى كانت محتاجه ليا بشده
نظرا لتعلقها الشديد بيا..بس حمدت ربنا وقولت اكيد ربنا كاتبلى الخير
المهم …فجاه فى بداية الشهر التالت
نبض الجنين وقف…بكيت من قلبى
الدكتور كتبلى على ادويه تساعد فى نزول البيبى
وطلب منى اكلمه عند احساسى باى الم
المهم انى ماحسيتش باى الم وكلمت الدكتور زودلى الجرعه
وبرضه ولا اى تغيير
وتانى غيرلى الدوا ..وبرضه ولا اى الم
المهم بعد 3 ايام والجنين ميت بطنى ومش عايز ينزل
…..
روجت للكتور ونزلت البيبى
الدكتور كان مستغرب جدا وقعد يقوللى انتى ربنا مش كاتبلك الالم
الحمد لله
الدكتور بعد ماخرج من العمليات كان معاه قطعة لحم حمرا
كل اللى شافها قالوا سبحان الله برغم صغرها بس متشكله ايدين وجسم ورجلين
………
قررت الحمل للمره التالته
عدى شهر و2 و3 و4 ومفيش حمل
وكل مره البيريود تتأخر عن ميعادها
لدرجه انها مره اتاخرت 10 ايام
المهم روحت لدكتور تانى اول مره اروحله
طلب منى تحاليل من ضمنها tsh
وكتبلى على ابرتين تفجيريتين
المهم قبل ميعاد اول ابره بساعات روحت اجيب نتيجة التحاليل
وكانت النتيجه 16.7
انا مريضه خمول غده
روحت للدكتور…قاللى ننسى الحمل خالص دلوقتى وتابعى مع دكتور غده كويس
وانا شبه منهاره
لانى كنت اول مره اسمع عن المرض ده
ولله الحمد من قبل ومن بعد……..
……
سالت كتييييييييير على دكتور غده
وربنا هدانى لدكتوره شاطره فى النصوره بس كان حجزها بعد شهرين تقريبا
….
روحت لدكتور تانى طلب من تحاليل كتييييييييييرواشعه على الغده
التحاليل كانت TSH=11.5
T3 &T4 طبيعيين تماما
الاشعه اظهرت ان عندى تضخم تسممى فى الغده..ولازم عملية ازالة الغده
ومن مساؤها الموت المفاجئ
ربنا وحده العالم انا قضيت يومى ده ازاى
كنت حاسه انى بموت ببطء
بفكر فى بنتى اللى ممكن اموت فى اى لحظه واسيبها
بفكر فى تكاليف العمليه ..اللى مش معايا
بفكر وبدعى وبصلى كتييييييييييييير
……
تانى يوم الصبح
جوزى الله يكرمه بيسال دكتور جراح صاحبه
قاله ازاى كده
نتيجه التحاليل مش متفقه مع الاشعه
وسأله
هى عندها خمول…قاله بالعكس دى منتهى النشاط
قاله شعرها بيقع ومقصف …قاله لا
وعدة اساله كان كلها بالنفى
طلب منه اعادة الاشعه فى مركز مختلف
وبالفعل روحنا ….وكانت النتيجه الغده سليمه تماما
وسط اندهاش الكل
قررنا نحتكم لمركز تالت
وكانت النتيجه الغده سليمه
احمدك واشكر فضلك يالله
كم انت كريم يااااااااااااااااااااااااااااااارب
وجه ميعاد الدكتوره
وكتبتلى على التروكسين 50 يومياواجيلها بعد شهرين
ونبهتنى انى مانساش الدوا ابدا ولا اوقفه مهما حصل
وطبعا قالتلى ان استخدمى وسيله مؤقتا لحد ماتتظبط الغده
روحتلها آخر شهر 2
كانت نتيجه التحليل5.57
قالتلى الحمد لله نتيجه كويسه
بس زودتلى الجرعه 3 ايام بالاسبوع 100
وقالتلى ممكن تحملى
سبحانك ربى البيريود جاتلى يوم 7.3.2015
ومن يومها ماشوفتهاش
انا حاااااااااااااااااااااااااااااااااااااااااااامل:sm iley-flowerslove:
NERMY NERMY 147085_4.gif فتكات هايلة Fatakat 147085 عايشه مع الله ولله – مصر