بسم الله العلي القدير هحكيلكم يا احلى عصافير حكاية واحدة اسمها خنساء(طبعا دا اسم من زمااااااااااااااااااااان واحدة صاحبتي عراقية هية اللي كانت بتناديني بيه)بصراحه يا احلى فتوكات دي اول مره ابقي من اصحاب الموضوعات وياريت لو حصل والموضوع عجبكم تكتبوا تعليقاتكم احسن اجيب رقباتكم
الخنساء كانت من البنات الحلوات حلاوة الروح يعني شكلها مقبول بس هزارها وضحكها وشقاوتها شئ مش معقول دخلت صاحبتنا الجامعه وحست اوي باللمة واختارت صحبات زيها سمبتيكات
وجت في سنة تانيه ربنا كرمها بصحبه تانية صحبة العريس اللي ذيها طلع لذيذ
المهم يابنات مش هطول عليكم في الكتابات وهدخل في الموضوعات
تم الجواز والعيشه اتقلبت لجاززززززززززززززززززززززززززز
مصايب ورا بعضها مبقتش تشيل همها من كترها ودخلنا في الجد والجواز اتقلب وبقى مسئوليات وحاجات ومحتجات
حملت خنساء ياحرام وربنا ماأردلوش التمام
وفضلت تخرج من حمل لسقط ومن سقط لحمل وكدة ورا بعضيه لغاية ماتمت سنة جواز والحصيلة صفر
المهم خنساء عرفت المشكلة فين وربنا كرمها في الأخر بحمل كان هوه المتين ومكملش فترة التحميل جت البنوته عند سبعه بالتمام وقالت والله الضلمة دي حرام كفاية كده ياماما انا هنزل خلاص
وتم المراد وجت ست البنات بعد ما الزمت مامتها الفرشات في السبع شهورات وكان اقصى مجهود بتعمله الست خنساء انها تدخل الحمام من غير مايجلها نزيفات تدخل على اثرها المستشفيات
واكتشفت الست خنساء انها في السبع شهور دول اتحولت من غصن البان لغوووووووووووووووووووووول
وبعد ماكان وزنها بيلعب بين الخمسه وستين لسبعين بقت دلوقتي مية وعشرين
وفضلت الهانم في السكره يجي تلات سنيييييييييييين لغاية اما قامت الثورة المجيده واكتشفت الست الجديدة انها من زهرة الشباب الخايب اللي جلب على البلد النوايب بانة يا حرام معرفش يعمل حاجه لقدام مش للبلد لأ لية علشان حاله واللي هوه فيه وفضلت الهانم تقرر وتتردد لغاية اما جابت الفكر السلييييييييييييييييييييييييييم
أنا لازم اخس
وبدات الرجيم المتين اللي قررت متخدش فيه سنيييييين لأ دي شهور قليله وهبقى مزه متمكنة واللي هيعلق على الموضوع يا حلوات وهيكتب احلى التعليقات واعلي التقيمات هساعده برجيم متين يساعدة وربنا المعين وهقولكم المرات الجايات ايه هية النظامات اللى انا اتبعتها علشان لو في حد عايز يعمل زيها وهقولكم خسيت اد ايه يا حلويييييييييييييييييييييييييييييييييييين بس ده في المرات الجاييين
وسكتت الست خنساء عن الكلام المباح وبطلت نباح ونواح لغاية اما تردوا عليها
مامت زوززة مامت زوززة 475095_2.gif فتكات هايلة Fatakat 475095 القاهرة – مصر