السلام عليكم ورحمة الله وبركاته
ازيكم يا احلى فتوكات فى الدنيا عاملين ايه يارب تكونوا بخير …………………………بصوا بقى يا حبايبى انا كنت واخدة حقنتين تفجيريتين من 8 ايام وتابعت الدكتورة قالتلى ان البويضة خرجت والحمد لله وزوجى كان معايا فى الوقت المناسب ان شاء الله يعنى كل المؤشرات مبشرة باذن الله وانا حملت مرة قبل كدة لكن مات فى السابع والحمد لله ووالدة من 5 شهور ده الشهر السادس يعنى باخلف الحمد لله لكن انا مشكلتى بقى انى بقيت متبلدة المشاعر جدا جدا وحاسة انى الشهر ده مش حامل بادعى ربنا طبعا لكن وانا للاسف حاسة انى مش هاحمل الشهر ده طبعا كل شئ بامر الله لكن انا عايزة يرجع عندى امل شوية لانى خلاص بقيت مستبعدة فكرة الحمل وانى اكون ام وبقيت باعامل نفسى بمنطق العقيم وبالاعب الاطفال كأنى مش هاشيل ابنى او بنتى لان انا كمان حملى صعب قوى وعندى اجسام مضادة ولازم آخد حقن تحت الجلد يوميا هتقف فى الشهر بالف جنيه امانة عليكم يا فتوكاتى ادعولى كتييييييييير واللى عندها كلام يقدر يرجعلى الامل والعزيمة شوية حتى انا بعمل رجيم كل شهر قبل البيريود بشوية ابطله واقول احسن اكون حامل ولضر البيبى لكن الشهر ده انا مكملة عادى ومعنديش دم خالص لدرجة انى باقول انى حتى لو حامل هافضل ماشية عليه ………. امانة عليكم كمان اللى تقدر تدعيلى بظهر الغيب انا اسمى مروة ….وادعوا لجوزى حبيبى ربنا يصبره لانه هو كمان بدأ يسأل ويهتم يا قلبى لانه طيب قوى ونفسه فى طفل اخواته المتجوزين كلهم معاهم اطفال واحنا متأخرين ومر معايا بازمات كبيرة فى حملى وبعده
ربنا يخلف عليا وعليه بالخلف الصالح ويارب يرزق كل المسلمين والمسلمات ويدى اللى هتدعيلى زى دعوتها ليا ان شاء الله
omza3bola1 omza3bola1 فتكات نشيطة Fatakat 847005 القاهرة – مصر