السلام عليكم ورحمة الله وبركاته
يابنات ياريت تفيدوني انا مليش اخوات بنات غيركم وربنا يكرم كل واحة هترد عليا بتجربتها ومتبخلش عليا ولو حتي بالدعاء في سرها مش لازم تكتب لومش قادرة
هخش في الموضوع عشان صدعتكوا انا تقريبا خلصت التاسع واخر مرة كنت عند الدكتورة الاسبوع اللي فات وقالتلي ان البيبي قالب نفسه وواخد وضع النزول وكل حاجة بس الراس منزلتش الحوض ولازم قيصري وانا من ساعتها منهارة وخايفة من القيصري عشان مليش اخوات ولا حد يخدمني وامي ست كبيرة ومريضة جداً وانا اللي بخدمها وانتو عارفين طبعا القيصري بيحتاج حد جنبك طول الوقت وشايله هم امي كمان ومش عارفة اعمل اية الدكتورة بتقولي خلاص كدة مش هتنزل ومهما تستني في الاخر هتولدي قيصري برده انا بصراحة مش مقتنعة امال امهاتنا واجدادنا كانو بيولدو ازاي هل كلنا كنا بنبقي نازلين في الحوض؟ فنا عايزة من كل واحدة عندها تجربة مشابهة تحكيها سواء ولدت طبيعي او قيصري جزاها الله خيراً ومعلش سؤال اخير هل لو استنيت بعد معادي في ضرر عليا او عالبيبي اصل منزلش سوري عليا اي علامات ولادة وهل الراس ممكن تنزل الحوض ساعة الولادة ولا مستحيل انا اسفة اني طولت عليكم وجزاكم الله خيراً
سلفية و افتخر سلفية و افتخر فتكات متميزة Fatakat 556542 القاهرة – مصر
سبحان الله و بحمده