حاجات متقوليهاش للحامل
شكلك هاتجيبي ولد
تقول الاسطورة إن الست شكلها بيوحش لو حامل في ولد.. فلو قلتي لواحدة شكلك هاتجيبي ولد كإنك بتقوليلها مناخيرك مكعبرة وشكلك ملخبط!
انتي متأكدة انهم مش تؤأم؟
معناها؟ بطنك أكبر من اللازم وبقيتي تخينة زي الخرتيت..
شكلك خلاص هاتولدي
برضه خرتيت!
ياه انتي فعلا بتاكلي لاتنين
خرتيت!
اختارتوا اسماء؟
هي لو كانت محتاجة رأيك كانت سألتك على قايمة باسمائك المفضلة
عمر ما جالي غثيان حمل
الفخر بإنك مجاليش غثيان حمل وانتي شايفة اللي قدامك بتنطط من الترجيع والتعب فيه انعدام ذوق وعدم احساس..
كان عندي غثيان طول ال 9 شهور
معناها حاجتين إما : انا أجدع منك لاني استحملت 9 شهور بحالهم أو لسه قدامك اسام سودا كتير!
ودول حاجتين هي اكيد مش عاوزة تسمعهم
إنك تحكيلها فيلم رعب عن ولادتك أو ولادة واحدة من صحابك
مش محتاجة شرح!
يا رب تجيبي ولد المرة دي
ولو طلعت بنت هاتؤئدها مثلا؟!
(والعكس صحيح)
اولدي قيصري.. اسهل
مفيش ولادة سهلة .. كل كل حاجة وليها صعوباتها!
الكلام اللي يتقال بقى:
ايه ده مش باين عليكي الحمل خالص
انتي حاطة كريم؟ وشك منور
هو كل الحوامل بيبقوا قمرات كده
ربنا يرزقك بساعة سهلة
تقومي بالسلامة
الخ الخ الخ
ريهام مامه ريلام ريهام مامه ريلام 563599_5.gif فتكات ست الكل Fatakat 563599 قنا – مصر