بشكر الاداره على تثبيت الموضوع الاول وبشكر كل فتوكه عجبها الموضوع ويارب يكون افادكم ولو حتى بكلمه
وكتير من الفتوكات فى ردودهم طلبوا انى اكمل وانا مقدرش اتاخر عنكم ابدا ودلوقتى هقولكم على كلام تانى من الكتاب يارب يعجبكم وتستفادوا منه
–احص نعم الله عليك بدلا من ان تحصى متاعبك
-لا يضرك اى سب ولا ذم وانما يضرك ان تفكرى فيهما
-ضعى حد اقصى للسلبيه والا مبالاه فى حياتك فكرى فى غدا وخططى له وتوكلى على الله
-لاحظى ان مع احتكاكك مع الناس سوف نتعلم اكتر واكتر
-لا تحاولى من تغيير الناس لان ثقى بان الطبع يغلب التطبع
-حاولى تفكرى دايما ان حياتك عباره عن (تابلوه) انتى بؤرة هذا التابلوه واساسه اما الناس اللى حواليكى كلهم هما الخلفيات والظلال الخاصه بالتابلوه..فالاشخاص الجديره بوجودهم بحياتك فيكونوا بداخل التابلوه ..اما الغير جديرين فى حياتك فلازم تطلعيهم برا جدار التابلوه حتى لا يشوشوا او يفقدوا للتابلوه بريقه ولمعانه
-من اكبر المعوقات التى بتقف سد بينك وبين السعاده ونجاحك فى الحياه هى …عدم ثقتك بنفسك
-انت حيث تضع نفسك دائما
-انسى كل شيىء محزن فى حياتك وعيشى يومك بيومه وكانه رحله جميله هتعدى بحلوها ومرها وارضى بكل ما يمر فى هذه الرحله وتغافلى بارادتك عما يسئوك
-ان (العقل)فى استطاعته ان يقيم ويصنع جحيما من الجنه او جنه من الجحيم
-حاولى تطلعى بمعلومه او استفاده من كل مشكله تمر عليكى
-اذا سولت لقوم انفسهم ان يسيئوا اليك فامح من نفسك ذكراهم ولا تحاول القصاص منهم ..لانهم لا يستحقوا الا ان يكونوا نكره فى حياتك
-ان امواج المحيط المتقلبه لا تعكر ابدا هدوء القاع العميق ولا تقلق امنه واستقراره ..وكذلك المرء الذى عمق ايمانه بالله
-تعلمى الا تعتمدى نفسيا على شخص واحد او حتى صديقه واحده لتكون هى الملجاء التى تلوذيين به وتحتمين من الغد وتذكرى …(اذا احتجت الى احد تكن اسيره)..فكونى صديقة نفسك ولا تبوحى لاسرارك لاى حد عديم الثقه
-اذا صدرت من ناس حولك اى موقف او كلام يحاولو بيه ان يفقدوا ثقتك بنفسك فلا تكتميها بداخلك وتفكرى فيها بل ارفضيها من جواكى وقولى لنفسك (هؤلاء الاشخاص لا يعرفون امكانياتى ولا حقيقتى الفعليه وكل شخص له وجهة نظره ..فلماذا اتقييم باسلوبهم وهم مختلفون عنى ولماذا اتضايق واضييع لحظه واحده فى التفكير فى نظراتهم او كلامهم وانا مدركه بعقلى ان ما افعله صحيح)فلو قلتى لهذا لنفسك دائما اتاكدى ان حتى ملامحك هتتغير لما يوجهوا اليكى هذا الكلام وهيلاحظوا انك واثقه بنفسك واتاكدى انك هتعرفى تردى عليهم باسلوب راقى وتجعليهم هما اللى مضايقيين منك
_كونى مرحه ومسامحه لنفسك وشجعيها للافضل
يارب تكونوا استفدتوا ولو عجبتكم هاكمل معاكوا تانى …بحبكم فى الله
كادبورى 2024 كادبورى 2024 469704_2.gif فتكات هايلة Fatakat 469704 الاسماعيليه – مصر