السلام عليكم ورحمة الله وبركاته
يا ويلكم يا ويلكم يا ميت مليون ويلكم
صلي على حضره النبي انتى وهى
عليه افضل الصلاة واتم التسليم
هاااااااا شايفاكي ياللي نزلتى جرى بالماوس صلييييييي
صلي الله عليه وسلم
حبيت النهاردة اكتب موضوع فريد من نوعه بالنسبه لموضوعاتى طبعا الا وهو
الا البواسير وكيفيه علاجها والتدخل الجراحى فيها
ودة طبعا نا مش بقوله من نسج الخيال او من موضوع قريته عالنت لالالا
دة انا عملت البواسير ايوووووون
الحمدلله الذي عافانا مما ابتلي به كثيرا غيرنا
قولوا دايما الدعائ دة
يلا بقي مش هرغي كتير ههههههههههههه
من بالظبط 4 سنين بدات تجيلي الام غريبه ودم سايح بينزل منى ف التواليت مش متجمد لالا وبيكون صافي جدااااا
وكنت بحس باوجاع رهيبه فعلا وطبعا زي زي اى واحده بتكسف حتى اورى لماما يبقي هروح يعني لدكتور لالا طبعا استحاله
وطبعا صهينت عالموضوع رغم انى كنت عارفه انها اعراض بواسير
مرة على مرة بقيت الاوجاع تزيد لدرجه انى اتصفيت والحمدلله والانيميا زادت عندا وبقت بنسبه7 ودى خطر طبعا
ودق شديد ف المنطقه ….. ومبقتش اقدر ولا اقعد والا اعمل اي شئ غير نى اعيط وانام على بطني
قلت بقي مبدهاش وبابا بهدلنى وطبعا اتفضحك وبقت جورصه ههههههههههه
روحت للدكتور الكشف بقي كان عباره عن وضع السجو بالظبط وطبعا بص وصوت
لانه لقي بواسير واربع شروخ شرجيه واحد مامى وواحد خلفي من برة وزيهم بالظبط من جوة
وقالى انتى ملكيش اى علاج كل علاجك انى هديلك كريم ماهو الا مخدر موضعي فقط اسمه لجنو كايين
وملين طبيعي لاكتيولوز على ماتجهزي للعمليه
روحت طبعا متدمرة نفسيا وطبعا قررت انى هعمل العمليه بس عمل لى تحاليل قبلها ولقي الانيميا عاليه ووقالى مش هقدر اعملك العمليه ممكن تموتى لانك هتنزفي كتير
ف اتعالجت ن الانيميا وروحتله بس طبعا نضفت المنطقه تماما
وقلعت الجزء اللى تحت ونمت عالسرير واخدت وضع الولادة الطبيعيه بالظبط وربط رجلى بحزام ومحستش باي حاجه
وصحيت والحمدلله عملتها
قالى هتلاقي بقي حاجه كدة وانتى بتتشطفي بميه دافيه وبيتادين حاجه كدة شديها حبه حبه بايدك
وانا فكرت ان الكايه سهله بقي ف لما روحت البيت تانى يوم لقيته لازقلي كورة كبيرة عبارة عن قطن وشاش علشان يعني يحجز الدم اللى بينزل زي الفوط الصحيه بمعنى اصح
واعدت ف الميه الدافيه والبيتادين واذا بي افاجئ ان في حاجه تانيه بس لجوة واتريها حاجه اسمها فتيل وطبعا ولا عرفت اشيله ولا نيله
روحت ندهت ماما ف بابا قالها شدي حبه وسيبي زي الدكتور ما قال راحت ماما اصرت بقي تشيله وتخلصني منه ف ساعتها واتريها شاش محطوط فيها طبعا مضادات وحاجات وادويه حاجه كدة طولها اد من كف ايدك لكوعك كدة راحت ماما اعدت تشد فيها وانا طبعا اصوت ف الحمام راحت استعفت وشدته جامد روحت اغمي عليا ف الحمام فوقونى اعدت بالظبط اسبوع انزف لانى مفيهاش بقي خياطه ولا اى حاجه وكنت باكل كل الاكل عباره عن جبنه قريش بطحينه وشوربه فقط من غير لحم او اى شئ علشان التواليت
والحمدلله بعد اسبوع خفيت وعشت حياتي طبيعيه جداااااااااااا
وبقول لكل واحدة لو حسه بالاعراض روحى للدكتور ومتغلطيش غلطتي والله والحقي نفسك
بس وهى دى كل حكايتي مع عمليه البواسير
واستودعكم الله الذي لا تضيع ودائعه
بس استني رايحه فين تعالى
بعد البواسير الزايدة انفجرت بعدها بالظبط ب 10 ايام وعملتها والله ههههههههههه
بس كنت متيقنه انه كل دة في ميزان حسناتى والله العظيم وبحمد ربنا الف مرة انى بخير ولله الحمد
مع السلامه ي فتوكات
دودو العسولة دودو العسولة 168866_6.gif فتكات ست الكل Fatakat 168866 بس في قلب خطيبي حبيبي – في بيت بابا وماما