السلام عليكم ورحمه الله
حبايبي الفتاتيك جيبتلك حلل نيوفلام الكوري بالاسعااااار كمان
بصو بقي انا كنت عاوزه حلل سيراميك باي شكل وكنت محتاره جدااا فالانواع الموجوده لحد ما استقريت عن اقتناع تام والحمد لله علي سيراميك نيوفلام الكوري
الكلام دا من حوالي سنه ونص تقريبا ولفيت كتييير في شربين والمنصوره علشان اجيب النوع اللي في دماغي والالوان اللي عوزاها والحمد لله جيبتهم فالنهايه نصهم من المنصوره ونصهم من شربين طبعا بعد ما دوووخت
علشان كل ما اروح لواحد يا اما مش الاقي المقاس المطلوب يا اما مش الاقي اللون المطلوب والرخم بقي ان كل بياع يبقي عاوز يلزقلي اي لون من اللي عنده باي شكل وخلاص وببقي ساعتها علي اخري
المهم يا بنانيت انا حبيت اعمل للسيراميك توبيك لواحده كدا منفرد بيه عن باقي الحاجات اللي لسه هنزلها
علي فكره يا بنات النيوفلام الكوري دا اول موديل نزل من الكوري وهتلاقوا منه في صوري الحلل البيج دي وبعد فتره بقي نزل موديلات تانيه كوري باردو بس كل شكل فيهم ليه اسم مختلف يعني مثلا انا ساعتها مش لقيت نيوفلام اخضر فاجيبت موديل اسمه فيولا لونه اخضر بس الاتنين كوري يا بنات ولازم تتأكدو ان مكتوب عليها من تحت ميد ان كوريا بالكتابه البارزه
كفايا رغي بقي وتعالو معايا عالصور
محتاجه بس منكوا دعوه حلوه كدا ان ربنا يتمملي فرحي علي خير ويوسع رزق بابايا وخطيبي ويرجعهملي بالسلامه
نبدأ باسم الله
اولا دي حله نيوفلام لون بيج جيبت منها مقاس 22 و 26
ودي يابنات الموديل الكوري التاني اسمه فيولا جيبت منه 3 مقاسات لون اخضر مقاس 20 و24 و28 بس هي من جوا اللون الرصاصي بتاعها افتح من نيوفلام شويا
ودا شكلهم مع بعض يا قمرات
الاسعار يا بنات
حله مقاس 20 ..ب220
حله مقاس 22..ب260
حله مقاس 24.. ب270
حله مقاس 26.. ب315
حله مقاس 28.. ب330
المجموع 1400
لسه بقي ان شاء الله اجيب مقلايتين وصينيتين بس لو حد يعرف اسعارهم يقولي يا بنات
الي اللقااااء في جزء جديد
دعواتكوا يا بنات
habeb koky habeb koky 892530_2.gif فتكات متميزة Fatakat 892530 مدينه الاحلام الجميله اللي حبيبي بيبقي موجود فيها – عايشه في دوله الحب جوا قلب خطيبي حبيبي ونور عنيا