السلام عليكم ورحمة الله وبركاته
إزيكم يا فتاتيك يارب تكونوا بخير
طبعاً انا عارفة انى على طول تعباكم معايا بس معلش بئا استحملونى ده اول حمل لية وكمان عايشة فى بلد تانية بعيد عن اهلى واهل جوزى
وبصراحة لما بسأل حد من عندنا فى التليفون مابيعرفوش يفيدونى وانتم اللى بتفيدونى عشان كدة بسألكم
انا حامل يا فتوكات فى نص الشهر الرابع
والموضوع انى بقالى اكتر من 5 ايام بحس بجفاف فى الفم والحلق وانا نايمة بالليل
وبحس انى خلاص بموت بقوم اشرب ماية عشان النشفان ده يروح مافيش فايدة
مجرد انى اخلص شوية الماية اللى بشربهم يرجع الجفاف تانى زى اما هو كأنى ماشربتش
أحاول انام تانى واخد زجاجة الماية فى حضنى عشان كل شوية اشرب بس ولا كأنى شربت
تعبت اوى خلاص وبحس انى بطلع فى الروح روحت سألت الدكتور قالى اشربى ماية كتير وعصاير
وانا اصلاً ماببطلش اشرب ماية دا انا اكتر واحدة بشرب ماية فى الدنيا دى كلها
مع العلم انى ماعنديش برد الحمدلله يعنى مابنمش فاتحة بوئى ولا حاجة
وحللت سكر من حوالى شهر والنتيجة طلعت تمام
قولولى بئا ده من ايه ومين حصل معاها كدة وعملت ايه
بالله عليكم ماتطنشونى أنا بحس انى كل يوم بطلع فى الروح والله العظيم
NohaNona NohaNona 591628_4.gif فتكات ست الكل Fatakat 591628 الغردقة – مصر