بصو يا جماعه انا مجربه الرجيم دا ووالله رهيب فعلا جميييييييييييييييييييييل من كل ناحيه يعني كل ساعتين بتشربي عصير وليكي واجبه واحده فياليوم وعشان الامانه الرجيم دا انا كنت متابعه مع واحده هنا اسمها رانيا حبيييييبت قلبي بجد بس هي الان ممنوعه من المشاركه مش عارفه ليه المهم دلوقتي الرجيم دا بيخسس في الاسبوع للبيلتزم بيه 6ك في الاسبوع انا قملته ومره عكيت فيه وخسيت 3ك في الاسبوع يعني في كل الحلات ممتااز وصحي وكل حاجه انا حط نظامه ان شاء الله وعشان الامانه مره تانيه الكلام الحكتبه دا نقلا عن رانيا حبيبت قلبي
اولا يابنات كل واحده هتشترك فى الجروب هتدخل تعمل ايه هتقولولى هنكتب الطول والوزن تمام هنكتب الطول والوزن والعمر وهنكتب كمان مقاسات الجسم لو سمحتوا ياقمرات بمعنى كل واحده هتدخل تشترك هتقوم كاتبه الطول والوزن والعمر ومقاسات الجسم الصدر والوسط والارداف والقياس يكون من غير هدوم عشان يطلع مظبوط وياريت حد يقيسلكوا عشان يبقى تمام ماشى اتفقنا
بكره ياحلوين هنصحى الساعه9 او 10 الصبح ولازم يكون الفطار بدرى عشان منضطرش نتعشى متاخر وننام ماشى هنصحى نشرب كوبايتين مايه وهنحط على كوبايه واحده بس فيهم نص ليمونه ونشرب الكوبايتين يعنى واحده عاديه وواحده بليمون والموضوع ده ثابت طول الشهر بتاع الدايت الحكايه دى لما جربتها بجد اولا بتسد النفس وبعدين بتخفى اليطن خاااااااااالص والله العظيم يابنات بطنى دخلت جوه تمام فابداوا بيها هتجيب نتيجه حلوه اوى معاكوا وبالذات الناس اللى عندها بطن
بعد مانشرب الميه بساعه يعنى الساعه 11 هنشرب كوبايه لبن متحليه بالعسل الابيض لو مفيش عسل ابيض نستبدله بالسكر مفيش مشكله الوصفه دى مفيده للى بيرضعوا وكمان للى عندهم امساك دى هتعالجها بس اللبن ياريت يكون دافى عشان يعمل كملين الصبح تمام
الساعه 12 هنشرب اى نوع عصير فريش او معلب بسكر او من غير سكر بس ياريت لو بسكر منكترش اوى معلقتين كفايه ممكن برتقال – جوافه – موز باللبن – فراوله – مانجه … اى عصير
العصير هيديكوا طاقه ومش هيخلى فى هبوط لانه هيرفع نسبه السكر فى الدم لحد كده تمام
الساعه واحده هناخد اى حاجه دافيه من غير سكر او بمعلقتين سكر برضه يعنى ممكن نشرب (ينسون – نعناع – قرفه بلبن مفيده جدا – جنزبيل – نسكافيه – شاى بلبن – بردقوش – قهوه – شاى – وممكن كابتشينو للى متعودين عليه …. واى حاجه دافيه ) الحاجه الدافيه بتقفل المعده شويه وبتحسس بالشبع وهتريح الاعصاب والتوتر اللى بييجى من الريجيم
الساعه 2 اللى هو قبل الغدا بساعه هناخد علبه زبادى او كوبايه لبن رايب وعليها معلقتين عسل اسود طعمها جميل ومفيده جدا للانيميا وسقوط الشعر والحوامل كمان
الساعه 3 وقت الغدا تقريبا ودى تعتبر الوجبه الرئيسيه بتاعنا هناكل ايه ؟
ممكن شوربه عدس هتقولولى بشعريه ولا لأ ممكن تكلوها بشعريه مفيش اى مشاكل بس ياريت لو تحمروها فى زيت افضل ابعدوا عن السمنه الزيت اخف بكتير وبعد مانستوى فى العدس هنضربهم فى الخلاط وبالهنا والشفا وطبعا انتوا عارفين العدس فيه ايه ( عدس-طماطم-بصل-توم-حزر-بطاطس-شعريه)يعنى وجبه كامله متكامله فيها كل العناصر الغذائيه هناخد من الشوربه دى طبق كبير او بمعدل كوبايتين وهنتغدى بيهم ماشى ياقمرات
وممكن نشرب شوربه خضار عادى وبكره هنزلكوا شوربات جديده بطريقه عمايلها كلوا دى بس كبدايه تمام
الخطوه اللى جايه دى بقى مهمه ودى نصحنى بيها الدكتور عشان الاكتئاب اللى بييجى لكل واحده فينا بتعمل ريجيم وهو انى اكل كل يوم بعد الغدا بساعه قطعه شيكولاته صغيره دى بتحسن المزاج وبترفع الحاله النفسيه وبتخليكى مش مكتئبه من الريجيم مهمممممممممه وهندخل بقى نعمل ساعه رياضه مشى فى المكان على فكره انا كنت بعمل كده كنت بجيب كرسى السفره واخلى ضهره ليه وانا واقفه وامسك فيه واقف قدام التليفزيون اتفرج على مسلسل مسرحيه فيل او اسمع اغانى اى حاجه تسلينى عشان محسش بالوقت وخلاص حتى لما يكون عليه البريود بشغل الكاسيت وبرقص ساعه متواصله بجد يعنى متحججتش بقى وقلت لا انا هعمل ازاى والكلام ده لا اللى عاوز يوصل لحاجه هيوصلل لها وربنا بيدى كل واحد على قد تعبه تمام ياقمرات شجعوا نفسكوا
حوالى الساعه 5 اى حاجه تيجى على بالك او نفسك تاكليها دى ساعه فرى بس ايه برضه تكون سايله بمعنى هناخد مثلا ( بوله ايس كريم – كاسترد شيكولاته – مهلبيه – موس شيكولاته – ميلك شيك – كوب بيبسى – ….. الخ اى حاجه تحبوها بس سايله دلعوا نفسكوا
الساعه 6.5 تقريبا لازم تسيبوا فتره بين الوجبه والتانيه هناخد ايه (عصير كوكتيل – عصير طماطم – كوب قرفه بجنزبيل تحححححفه وبيخسس جامد وعن تجربه – كركديه سكر خفيف – كوب لبن رايب – او شاى او قهوه ) بس دى الاختيارات متلخبطوش
الساعه 7.5 ممكن ناكل طبق صغير شوربه عدس او شوربه خضار وممكن معاه صدر فرخه مسلوقه ومضروبه معاه او نشرب اى نوع عصير فريش او معلب الساعه 9 ودى اخر وجبه هناكلها كوب لبن دافى متحلى بالعسل وبالسكر تانى مفيده اوى وبعدين فى ابحاث اثبتت ان كل ما زاد معدل الكالسيوم فى الجسم بتساعد على حرق الدهون بنسبه 18 % وبعدين عشان نعالج الامساك ماشى ياحلوين
ياريت بقى متكلوش اى حاجه بعد الساعه 9 وهنا بقى تكمن الكارثه لاننا بناكل وبننام فيلريت الالتزااااااااااام ياجماعه عشان ربنا يكرمنا جميعا
الوصفه اللى هكتبها دى انا شفتها عالنت كتير ولما جربتها فعلا طلعت مظبوطه وكانت نقلا عن الدكتور المشهور عادل عبد العال وهى ( معلقه جنزبيل مطحون – ربع معلقه قرفه – ليمونه متقطعه شرايح – ربع معلقه كمون مطحون ) هتحطى ده كه فى كوبايه وتصبى عليهم الميه المغليه وتسيبيهم طول الليل وتشربيهم تانى يوم الصبح والله بتنزل لوحدها حوالى 5 كيلو فى الشهر وانا مجرباها يابنات والله وكانت بتسد نفسى كمان جربوها ومش هتندموا
ووالله الرجيم دا مش هتحسي فيه بجوع ولا حاجه لانه رجيم مدلع علي الاخر
وانا نويت اعمله وعاوزه صحبه كدا حلوه نعمل مع بعض الرجيم دا
واي سؤال انا تحت امركم الحعرفه حقوله علي طووول
يلا مستنيه التشجيع والاشترااك
اه وفي شربه حارقه للدهون استنو اكتبهالكم دي هايله جدااااااااااا
الشوربه الحارقه للدهون
بطريقه بسيطه خالص هتجيبى حله وحطى فيها قطع قرنبيط وقطع كرنب وجزر وكوسه وبطاطس وبصل وتوم واى خضار عندك متتقيديش بالمكتوب بس الاساسى هو الكرنب والقرنبيط وياريت لو نحط بصلتين كبار مع راس توم لانهم بيعلوا نسبه الحرق اوى هنحط عليهم التوابل ملح حسب الذوق نص معلقه فلفل اسود ونص معلقه قرفه ومعلقه جنزبيل ومرقه دجاج هنسيب كل ده يستوى كويس وهنسيبه يبرد شويه وبعد كده عالخلاط واشربى منها ووالله كل فعلا مااكلتى منها كل ماحرقت دهون وفى نفس الوقت مغذيه جداااااااا لان فيها كل حاجه
الساعيه بالزاد ليوم الميعاد الساعيه بالزاد ليوم الميعاد images/flowersavatars/avatar0031.jpg سوبر فتكات Fatakat 299988 الاسكندريه – مصر